FIFA.UZ: Олий лигада дастлабки мавсум якунланди
13 nov 2013 17:27
News

FIFA.UZ: Олий лигада дастлабки мавсум якунланди

Март ойида Ўзбекистондаги биринчи виртуал футбол сайти FIFA.UZ ишга тушганди. Мамлакатимиз футбол ишқибозлари учун янгилик бўлган ушбу лойиҳа 10 000дан ортиқ футбол ишқибозини бир ерга жамлай олди.

Иштирокчилар ҳақиқий футболчиларнинг натижалари эвазига очколар ишлашди, танимаган футболчиларини таниб олишди, дўстлар орттиришди ва совғаларга эга бўлишди. Қисқа қилиб айтганда олий лигага бўлга қизиқиш оз бўлсада ортди. Тўғри камчиликлар ҳам бўлганини инкор қилмаймиз, бироқ бу лойиҳа ташкил этилганига атига бир неча ой бўлганини унутманг. Кейинги йили сайт янада мукаммалашади, иштирокчиларнинг талабларига кўра сайт ривожланишда давом этади. Бу борада иш аллақочон бошлаб юборилган.

Ноябрь ойи келиб юртимизда миллий чемпионат ўз поёнига етди. Тўққиз ой давом этган чемпионат билан бирга FIFA.UZ да ҳам мавсум тугади.

Эътиборлиси худди олий лигада бўлгани каби FIFA.UZ да ҳам "Бунёдкор" чемпион бўлди. Ушбу жамоа қолган рақобатчилардан анча илгарилаб кета олиб ғолибликка эришди.

Иккинчи ўринни "Буйгозок ФК" қўлга киритди, ундан 5 очко кам жамғарган "Manchester United" учинчи ўринни банд этди.

FIFA.UZ да мавсумни кучли учликда якунлаган учта иштирокчига олий лига жамоаларига тақдим этиладиган медалларнинг асл нусхалари топширилади. Тақдирлаш маросими ҳақида алоҳида хабар берамиз.

Эслатиб ўтамиз, Европа миллий чемпионатлари учун "Мега Совға" эълон қилгандик.

Link :

Source : championat.asia

Receive latest football news directly on your phone. Subscribe for our Telegram channel!

Rating: