ФИФА талабига кўра Ғузорнинг “Шўртан” клубидан 3 очко олиб ташланди
30 apr 2018 13:46
News

ФИФА талабига кўра Ғузорнинг “Шўртан” клубидан 3 очко олиб ташланди

Про-Лиганинг "А" гуруҳи 4-туридан кейин 8 очко билан 4-ўринни эгаллаб турган Ғузорнинг “Шўртан” клубидан 3 очко олиб ташланди. Қарор Ўзбекистон футбол ассоциацияси Ижроқўми бюроси томонидан тасдиқланди.

“Шўртан” ҳамда черногориялик футболчи Предраг Вуйович ўртасидаги можаро ҳали якунига етмаган. ФИФА Интизом қўмитаси Ғузор клубига дастлабки санкцияларни қўллаш борасидаги илк огоҳлантиришни 2015 йилнинг 9 октябрь куни юборган. Шунга қарамай, “Шўртан” мазкур масала ечимини топмаган.

Ўзбекистон Профессионал футбол лигаси “Шўртан”нинг очколарини 3 тага камайтириб, эндиликда унинг Про-Лигадаги очкоси 8 эмас, 5та эканини маълум қилади. Агар клуб Вуйович билан боғлиқ масалани белгиланган муддат ичида ҳал қилмаса, жазо чоралари янада жиддийроқ бўлади.

Link :

Source : pfl.uz

Receive latest football news directly on your phone. Subscribe for our Telegram channel!

Rating: -43