Февзи Давлетов: "Ўзимизга бўлган ишонч қайтди, энди эса натижаларни яхшилашимиз керак"

- Ўйин ҳақида

- Меҳмондаги қийин учрашувдан кейин қайтиш осон бўлмади. Биринчи бўлимда ўйинимизда муаммолар бор эди, тўпни ўзимизда ушлаб қола олмадик ва кўп хатоларга йўл қўйдик. Танаффусда ўзгаришларга қўл урдик ва ўйин тизгиси ўзгарди дея оламан. Тезроқ гол уришимиз керак эди ва иккинчи бўлимда гол ҳисобни очдик. Учрашувда йирикроқ ҳисоб қайд этишимиз ҳам мумкин эди, аммо яратган вазиятларимизни кўпини голга айлантира олмадик.

- "Сурхон" жамоасига ўз ўйини ва ҳолатини яхшилаб бормоқда. Ўтган турдаги учрашувда жамоангиз сўнги дақиқаларда ғалабани қўлдан чиқарганди. "Навбаҳор"га қарши ўйиндаги аламли натижа, футболчиларингизга қандай таъсир ўтказди? Салбийми ёки ижобий? 

- Наманганда яхши ўйин ўтказдик. Йигитлар натижани яхшилаш кераклигини тушуниб етишганди. Сафар ўйини бўлишига қарамасдан жуда кўп мухлисларимиз бизни қўллаб қувватлаш учун ташриф буюришган эди ва мухлислар ҳурмати биз яхши ўйин намойиш этишимиз керак эди. "Навбаҳор"га қарши учрашув ўзимизга бўлган ишончни оширди. Натижаларимиз ҳам секин асталик билан яхшиланиб бормоқда. Ўтган турда дуранг ва бугунги баҳсдаги ғалаба. Олимпия терма жамоасига жалб этилган Улуғбек Ҳошимовнинг ўрни ҳам анча билинмоқда. У бугун бизга катта ёрдам бериши мумкин эди.

- Бугунги ғалаба жамоангиз учун жуда зарур эди. Ўйин давомида жамоангиз кўпгина хавфли вазиятлар яратди, аммо вазиятларни голга айлантириш масаласи бўйича жамоангизда муаммолар бор?

- Бугунги учрашувда фақат бизга фақат ғалаба керак эди. Жамоа ўз кучига ишонмоқда. Буёғига натижаларни яхшилашимиз керак.

- Ўтган мавсум чемпионатимизда энг яхши дарвозабонлардан бири бўлган Артем Потапов бугун қайдномада йўқ эди. Потапов ва Нимели каби легионер футболчиларнинг ҳаттоки қайдномадан ўрин олмаётганига сабаб нима?

- Нимелининг жароҳати бор ва у ҳали тикланишга улгурмади. Потапов руҳий томонлама ўйнашга тайёр эмас.