Latest news

18:12"Насаф" - "Бухоро". Таркиблар маълум  1 17:33“Бу оптимал таркиб эмас. Ҳакам қарорлари тўғри эди, мағлубиятни тан ола билиш ҳам керак" — Санъат Шихов Эрон билан ўйин ҳақида  5 17:18Тожикистоннинг икки терма жамоасида истеъфо юз берди  7 17:07"Ман Сити" ҳужумчиси жароҳат туфайли МЮга қарши ўйинни ўтказиб юборади  0 16:24"Интер" 2025/26 мавсум учун учинчи формани тақдим этди. У "2000-йилларда жамоани яхши кўрганлар ва бугун уни севувчиларга" бағишланган  2 15:49"Барселона" Хасбуллани "Камп Ноу"га таклиф қилди  4 15:18Бунақаси Месси фаолиятида биринчи марта юз берди  11 14:43Воҳа дербиси олдидан "Машъал"да катта йўқотишлар  1 14:15"Ювентус" узумзор акс этган формасини тақдим этди  2 13:42Суперлиганинг 21-турини ўтказиб юборадиган футболчилар рўйхати  4 13:19Роналду 30га кирганидан сўнг Португалия сафида 89 та гол урди  15 12:37Ибраима Конате "Ливерпуль"га уч марта "йўқ" деди. Клуб унинг "Реал"га ўтишига кўниб бўлди  10 12:15Бразилия ЖЧ саралашида 5-ўринни эгаллади – бу тарихидаги энг ёмон натижа  3 10:56Ла Лигада ким чемпион бўлади? "CIES" тахмин қилиб кўрди  6 10:30ФИФА президенти Қатардаги портлашларга муносабат билдирди  14

Февзи Давлетов: "Ғалабага бўлган ишонч бизга натижа келтирди" News

Февзи Давлетов: "Ғалабага бўлган ишонч бизга натижа келтирди"

Суперлиганинг 16-туридан ўрин олган "Андижон" - "Сурхон" (2:3) учрашувидан сўнг меҳмонлар бош мураббийи Февзи Давлетов матбуот анжуманида иштирок этди.

Ўйин ҳақида

- Оғир ўйин бўлди. Майдоннинг ҳолати ҳам унчалик яхши эмасди. Оғир ўтган ўйинда ғалабага эришдик. Майдон чими яхши бўлмаса-да, трибуналардаги муҳит ажойиб эди. Ҳақиқий футбол оқшоми.

Биринчи бўлимнинг дастлабки дақиқаларида майдонга мослашиш бўйича қийинчиликларга дуч келдик. Шундай бўлса-да, бизда вазиятлар юзага келди. Баъзи эпизодларда мезбонлар посбони яхши ўйнаган бўлса, яна бошқа имкониятларимизда зарбаларга аниқлик етишмади. Бироқ, учрашувнинг биринчи бўлимида барибир гол урдик ва танаффусга ғалаба билан чиқиб кетдик.

Иккинчи бўлим ҳам қийин кечди. "Андижон" жамоаси стандарт вазиятларда яхши ишлашини билардик. Иккинчи голни киритдик, бироқ мезбонлар ҳам иккита гол билан жавоб беришди. Характер кўрсатиб ғалабага эришдик. Йигитларга шижоатли футбол учун миннатдорчилик билдираман, улар ғалаба учун охиригача курашишди. Бизни ҳар доим ҳамма жойда қўллаб-қувватлаб келаётган мухлисларимизга рахмат.

- Абдуғафур Ҳайдаровнинг ўйини сизда қандай таасурот қолдирди?

- Абдуғафур жуда кўп курашларда иштирок этди ва ўзини йўқотиб қўймади. Унинг ўйинидан қониқдим, олқишлайман. Ўйин давомида кўп меҳнат қилди.

- Ҳисоб тенглашганида Championat.asia журналисти Абдулазиз Искандаров телеграм каналида "Андижон-тайм" ҳақида ёзди. "Бобур-арена"да "Андижон" керак бўлса "Барселона"ни ҳам ютади деган гаплар юради. Жамоангиз бугун ниманинг эвазига ғалабага эришди?

- Ғалабага охиригача ишондик. Шу ишонч туфайли ғалабага эришдик. Қийин бўлгани рост, "Андижон" жамоаси ҳар доим ҳаводаги устунликка эга бўлади. Бироқ биз ғалаба учун охиригача курашдик ва муҳим натижани қайд этдик.

- "Сурхон" Ўзбекистон кубоги ярим финалида яна "Андижон" билан ўйнайди. Бу ўйин ҳақида фикрингиз қандай?

- Тўғри, биз кубок ярим финалида яна "Андижон" билан ўйнаймиз. Худди шу ўйинни такроран кўрмайсиз албатта. Мутлақо бошқача ўйин бўлади. Чунки "Андижон" жамоаси Ўзбекистон кубогини ютиш учун жиддий ҳаракат қилмоқда. Очиғини айтсам, майдон ҳолати оғир. Бу майдонда футболчилар бор даражаларини кўрсатиб бера олишмайди. Имкониятларни 50/50 баҳолайман.



Rating: +1   

Comments

championat.asia
< show latest news
Яндекс.Метрика