Феликс Санчес Қатар терма жамоаси бош мураббийлигидан кетди
31 dec 2022 11:37
News

Феликс Санчес Қатар терма жамоаси бош мураббийлигидан кетди

Қатар футбол ассоциацияси матбуот хизмати Феликс Санчеснинг терма жамоа бош мураббийлигидан кетганини хабар қилди.

"Биз биргаликда Қатар футболи тарихида абадий қоладиган кўплаб ақлбоварқилмас вазиятларга тўла йилларни ўтказдик. Ҳаммаси учун раҳмат, мистер Санчес!", — дейилади хабарда.

Санчес Қатар миллий жамоасида 2017 йилдан бери ишлаётганди. 47 ёшли испаннинг битим муддати 2022 йилнинг 31 декабрига қадар мўлжалланганди. Томонлар шартномани узайтирмасликка қарор қилишди.

Қатар терма жамоаси мутахассис қўл остида 2019 йилда Осиё кубогида ғалабага эришди.

Қатар терма жамоаси ўз уйида ўтган ЖЧ-2022да плей-оффга чиқа олмади (гуруҳда учта мағлубият).