Фарғона вилоят ҳокими кубогида Тожикистон ва Қирғизистон клублари қатнашиши мумкин
20 jan 2018 16:25
News

Фарғона вилоят ҳокими кубогида Тожикистон ва Қирғизистон клублари қатнашиши мумкин

Хабарингиз бор, ҳар йили Фарғонада анъанавий тарзда “Вилоят Ҳоким Кубоги” мусобақаси ўтказилиб келинади.

Бу йилги турнир олдинги йиллардан бироз фарқ қилиши мумкин. Аниқроғи, 28 январь куни старт олиши кутилаётган мусобақа халқаро турнир мақомини олиши кутилмоқда. Айни дамда мусобақа ташкилотчилари Тожикистон ва Қирғизистон клублари билан музокара олиб боришмоқда. Агар келишувга эришилса, “Фарғона вилоят ҳоким кубоги-2018”да қўшни республика жамоалари ҳам қатнашишади.

Бундан ташқари, турнирда Ўзбекистон Суперлигаси ва Про-лигаси жамоалари иштирок этишади. Тез кунда турнир иштиорокчилари ва тақвими эълон қилинади.
Айтганча, Фарғона вилояти футбол федерацияси ушбу мусобақанинг савиясини ошириш борасида кенг куламли ишларни амалга оширишмоқда. Шунинг учун мусобақада қатнашиш истагида бўлган Суперлига ва Про-лига клублари Фарғона вилояти футбол федерациясига мурожаат этишлари мумкин.

Аброр ДЕҲҚОНОВ

Link :

Source : kokand1912.uz

Receive latest football news directly on your phone. Subscribe for our Telegram channel!

Rating: +8