Эртага "Нефтчи" "Олмалиқ" билан ўйнайди

Андрей Фёдоров шогирдлари 18 февраль куни бўлиб ўтадиган ўйинда “Олмалиқ” жамоасига қарши майдонга тушади.

Эслатиб ўтамиз, бу фарғоналикларнинг Тошкентдаги иккинчи ўртоқлик баҳси ҳисобланади. Маълумот ўрнида, “Нефтчи” жамоаси бундан аввал “Қўқон-1912”га қарши ўйин ўтказган ва ўша беллашувда Фёдоров жамоаси 2:1 ҳисобида ғалабага эришган эди.

Баҳром Ҳайдаров бош мураббийлигидаги ўринбосарларимиз ҳам мавсумга қизғин тарзда тайёрланишмоқда. “Нефтчи” ўринбосарларини олдинда 2 та ўртоқлик учрашуви кутмоқда. Ёш фарғоналиклар 20 февраль куни Фарғона шаҳрида “Андижон” ўринбосарларига қарши ўз имкониятларини ишга солишади. Навбатдаги беллашув эса 24 февраль куни Наманганда  “Навбаҳор” ёшларига қарши бўлиб ўтиши режа қилинган.

“Нефтчи” ПФК матбуот хизмати.