Эрик тен Хаг: "Рэшфорд бундан ҳам кўпроғига қодир"

Ҳужумчи ушбу мавсум АПЛнинг 34 ўйинида 17 гол урди, барча турнирлардаги голлари сони эса 30тани ташкил қилди.

"Маркусда ўйинини янада яхшилаш учун кўплаб имкониятлар бор. Унинг бундан ҳам кўпроқ гол ура олишига ишонаман. Масалан, у сўнгги 10 ўйинида етарлича гол ура олмади. Шунда ҳам унда уч-тўртта яхши имкониятлар юзага келди.

Шу сабабли у янада яхшироқ бўлиши мумкин. У ўзининг ҳолатидан келиб чиқиб кўрсатган ўйинидан мамнунман. Уни нафақат футбол нуқтаи назаридан, балки, рухий томонлама ҳам доимо қўллаб турдик. У бир мавсумда 40та гол ура олади", - деди Эрик тен Хаг.