Энг яхши гол мукофоти эгаси киберспорт туфайли футболчилик фаолиятини якунланди

Ўйинчининг сўзларига кўра, у "YouTube"да шахсий каналини очиб, FIFA бўйича жаҳон чемпиони бўлмоқчи.

"Бу қарорни қабул қилишим учун баъзи сабаблар бор. Операциядан сўнг жиддий муаммолар бошланди. Футболда мени ёлғон ва ифлослик қуршаб олди. Кутилмаганда яратган менга энг яхши гол совринини берди".

Венделл Лиранинг таъкидлашича, унга кўплаб клублар ёрдам қўлини узатмоқчи бўлди, аммо у якуний қарорни қабул қилди.

"Мен бошқа футбол ўйнамаслигимни ва ўзимни севган ишимга бағишлашни исташимни айтдим" - дейди бразилиялик.

Венделл Лира 2015 йил якунига кўра энг чиройли гол учун Ференц Пушкаш совринини қўлга киритган эди.