Энди Мальдивда ҳам футболчимиз бор

28 ёшли дарвозабон Алишер Аҳмедов энди Мальдив давлатида фаолият олиб боради. Бу ҳақида мальдив клуби расмий сайти ҳам маълум қилган.

Биринчи бўлиб сизларга ушбу давлат ҳақида маълумот беришни лозим деб топдик.

Мальдив Республикаси  Жанубий Осиёда, Ҳинд океанининг шимоли-ғарбий қисмидаги Мальдив оролларида жойлашган давлат.  Шри Ланка оролининг жануби-ғарбида. Майдони 298 км2. Аҳолиси 324 минг киши (2012). Пойтахти — Мале шаҳри. Маъмурий жиҳатдан 20 ороллар гуруҳига бўлинади.

Футбол лигасида 6 та жамоа иштирок этади. Аҳмедов бу лиганинг биринчи ўринида бораётган "Янги Радиант" клубида фаолият олиб боради. Бу клуб 19 та учрашувдан сўнг 52 очко тўплаган ҳолда пешқадамлик қилмоқда.

Алишер Аҳмедов фаолияти давомида Тожикистон клубларидан, "Сўғдиёна",  "Регистон" клубларида фаолият олиб борган. Қишги йиғинни Тошкентнинг "Локомотив" клубида ўтказди ва бир неча назорат ўйинларида майдонга тушди.



Диққат! FIFA.UZ сайтида ОЧЛ гуруҳ босқичи учун жамоа тузиб мусобақанинг расмий тўпини ютиб олиш мумкин! Жамоа тузишга ўтиш.