Эмери: “ПСЖ” қачонлардир ЕЧЛда ғолиб бўлади”
07 mar 2018 05:19
News

Эмери: “ПСЖ” қачонлардир ЕЧЛда ғолиб бўлади”

“ПСЖ” бош мураббийи Унаи Эмери ЕЧЛ 1/8 финали жавоб учрашувида “Реал”га (1:2) учралган мағлубиятга изоҳ берди.

“Ҳар иккала ўйинда бизда яхши имкониятлар бўлди, аммо улардан фойдалана олмадик. Биринчи учрашувда имкониятларимиз 50-50 эди. Аммо “Реал” ижобий натижага эришишга эришди. Бугун улар ўйиннинг 60% вақти давомида тўпни назорат қилишга муваффақ бўлишди. Биз охиригача кураш олиб бордик, аммо мадридликларнинг иккинчи голи умидларимизни синдирди. Энди қолган мусобақаларда совринни қўлга киритиш учун курашишда давом этамиз.

Ҳамма тезроқ натижага эришишни, ЧЛда ғолиб чиқишни истайди. Мен “ПСЖ” лойиҳасига ишонаман. Муваффақиятсизликдан қутулиб, ҳаракатимизни давом эттиришимиз лозим. Кун келиб бу жамоа ЕЧЛда бош совринга эга чиқади. Балки бу кейинги мавсумда ёки ундан кейинги мавсумда рўй бериши мумкин”, дея Эмерининг сўзларидан иқтибос келтирмоқда As нашри.

Link :

Source : As

Receive latest football news directly on your phone. Subscribe for our Telegram channel!

Rating: -66