Элшод Расулов: “Терма жамоамиз рақиблардан кучсиз эмас”

Икки кара Осиё чемпиони ва жахон чемпионати иштирокчиси бўлган Расуловни айниқса қўқонлик футбол ишқибозлар яхши билса керак. Боиси Элшод бўш вақти бўлди дегунча имкон қадар “Қўқон-1912” ўйинларини стадионда кузатиб боради. Расулов билан яқинда суҳбатлашганимизда, Австралияда ўтаётган футбол бўйича Осиё чемпионати ўйинларини ҳам диққат билан кузатиб бораётганини таъкидлади.      

- Иложи борича ҳамма ўйинни кузатиб боришга харакат қиляпман. Албатта Ўзбекистон миллий терма жамоаси футболчиларини экран қаршисидан туриб бўлса ҳам қўллаб-қувватлаяпмиз. Очиғини айтганда, ҳар қандай рақиб билан ўйнаса бўлади. Чунки бизни йигитлар кучсиз эмас. Улар буни ўйиндан-ўйинга исботлаб келмоқда. Насиб қилса Жанубий Кореяни ҳам ютиб, кейинги босқичга йўлланмани қўлга киритамиз – дейди Элшод Расулов. 

Исломбек Рустамбеков.