Latest news

08:17Sofascore. Захирадан майдонга тушган Ўрибоев энг катта баҳолардан бирини олди  0 07:52"CAFA Nations Cup-2025" . Қўшниларимиз ўзаро дуранг ўйнаган учрашувдан ФОТОГАЛEРEЯ  0 07:25"Ал Иттиҳод" мавсумни йирик ғалаба билан бошлади. Бенземадан хет-трик  0 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  25 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  1 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  17 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  47 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  7 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8 22:00Қирғизистон бош мураббийи: "Майдон ҳолати сифатли футбол кўрсатишга йўл қўймади"  7

Элдор Шомуродов Фаластин билан ўйиндан кейинги гап-сўзларга муносабат билдирди News

Элдор Шомуродов Фаластин билан ўйиндан кейинги гап-сўзларга муносабат билдирди

Ўзбекистон терма жамоаси ЖЧ-2022 саралаши доирасида Фаластинга меҳмонда имкониятни бой бериб қўйди.

Ўйиндан кейин ҳар ким ўзича хулоса чиқарди. Бу табиий ҳолат. Ўша куни ўйин пайти майдон четида бўлган ва ўйиндан кейин стадионда ҳам, меҳмонхонада ҳам футболчиларнинг аҳволини ўз кўзи билан кўрган одам сифатида айтишим мумкин-ки, улар учун ҳам бу кутилмаган натижа бўлди. Ғалати ўйин ва ҳеч ким кутмаган мағлубият.
Охирги кунларда турли гап-сўзлар ва миш-мишлар кўпайиб кетди. Биз эса бугун Иорданияда бўлиб турган терма жамоамизнинг асосий ҳужумчиси Элдор Шомуродовни суҳбатга таклиф қилдик. Қуйида "Ростов" аъзоси бўлган форвардимиз билан савол-жавобларимизни эътиборингизга ҳавола этамиз.


- Фаластин билан ўйинда нима бўлди, нима учун терма жамоа ўйнай олмади?
- Баъзида шундай ўйинлар бўлади-ки, нима учун ундай бўлганининг сабабини айта олмайсиз. Бу биз юта оладиган рақиб деб ўйлаётгандик. Биринчи бўлим бизни назоратимиз остида ўтди, лекин вазиятлар ярата олмадик. Бундай ҳолатда ўйин биринчи голгача давом этишини билиб турган эдик. Ўша биринчи голни биз урганимизда биз ғалаба қозонган бўлардик. Афсуски, улар биринчи бўлиб гол уришди, ўша голдан кейин сўнгги дақиқаларда уларда яна вазиятлар бўлди.


Уларнинг икки нафар марказий ҳимоячиси менга жуда ҳам яқин ўйнади.


Яқинда Россия чемпионати доирасида "Ростов" билан "Уфа" меҳмони бўлганимизда ҳам шундай бўлганди. 0:2 ҳисобида имкониятни бой бериб қўйганмиз ва нималар бўлганини ҳеч ким тушунмаганди. Деярли худди шундай вазият бўлганди ўшанда ҳам. Фаластинга қарши баҳс биринчи ўйин ва кейинги турларда биз хатоларни тўғрилашга ва керакли очколарни жамғаришга ҳаракат қиламиз.

- Нима учун ўша куни майдонда якка курашларнинг жуда кўпини мезбонлар ютишди?
- Гол ўтказиб юборганимиздан кейин бу ҳолат кўпроқ кўзга ташланди. Балки, биз гол ўтказиб юборишга тайёр эмасмидик... Руҳий устунлик биринчи голдан кейин фаластинликлар томонга ўтди. Назаримда, улар дуранг учун тўп тепишаётганди. Афсуски, кутилмагандаги голдан сўнг биз олдинга кўпроқ куч билан ўтишга мажбур бўлдик ва ҳимоя очилиб кетди. Камига ўзимизнинг хато билан яна гол ўтказиб юбордик.


- Терма жамоа футболчиларида моддий тарафдан мотивация йўқ ва шу сабаб улар жонини бериб ўйнамади қабилидаги гап-сўзлар пайдо бўлди. Терма жамоада ўйинчилар учун ҳақиқатдан ҳам пул биринчи даражали мотивациями?
- Бундай гапни тарқатадиганларнинг ўзлари кўпроқ пулни ўйлайдиган инсонлар бўлса керак. Шахсан ўзим ҳеч қачон пулни биринчи ўринга қўймаганман. Пул ҳамма нарсани ҳал қилмайди. Бошқа йигитлар ҳам бу йўлда пул асосий планда эмаслигини билади. Ҳар бир футболчи ёшлигидан миллий терма жамоага илинишни ва терма жамоа либосида тўп тепишни орзу қилади. Шу жумладан ўзим ҳам. Қандай қилиб ёшликдан ният қилган орзусига эришган футболчи у ерда пул учун ўйнаши мумкин? Терма жамоада ҳамма халқ учун, мухлислар учун, ўзи ва оиласи шаъни учун ўйнайди. Бу ерда пул ҳеч қачон биринчи ўринда турмаган. Жамоада ҳамма ғалаба қозонишни ва мухлисларни хурсанд қилишни хоҳлайди.

- Футболчилар мураббийни кетказиш учун атай ўйнашмади деган гапга қандай фикр билдирасиз?
- Қандай қилиб унақа бўлиши мумкин? Бу ҳеч бир болани ҳаёлига ҳам келмаган нарса. Одамлар бунақанги гапларни қаердан ўйлаб топишига ҳайронман. Терма жамоада ҳаммамиз бир оиламиз ва бу ерда кимнидир сиқиб чиқариш ёки кетказтириш ҳақида гап-сўз бўлиши мумкин эмас. Ҳаммани ҳаёли фақат бир нарсада - Жаҳон чемпионатига чиқиш. Тўғри, биз кутилмаганда ютқазиб қўйдик. Мағлубиятдан кейин турли фикрлар ва шубҳалар бўлиб туради. Лекин, бу даражадаги гаплар жуда нотўғри.


- Фаластин терма жамоаси мураббийлари Ўзбекистонни жуда яхши ўрганишган ва шунга яраша тайёрланишган. Сизни ҳам икки нафар бақувват ҳимоячилар қўриқлади ва имкон бермади ҳисоб. Нима учун биз уларга қарши мана шундай тайёрланмадик. Рақибга жиддий қарамадикми?
- Шахсан ўзим 1-сентябрда терма жамоа ихтиёрига етиб келдим. Вақтимиз етганча рақибни ўргандик. Орада вақт қисқа эди, лекин шунга қарамай уларни ўргандик. Икки нафар яхши ҳужумчиси борлигини билардик ва уларни ўргандик. Улар ҳимояда кўпроқ узун паслар билан чиқишини кўрсатишди бизга. Афсуски, майдонда курашларнинг кўпроқ улар ютишди, биз курашларда ютқазганимиз учун ҳам мағлуб бўлдик. Бундай ўйинларда курашларни ютқазмаслик керак.


Толибжон Қосимов суҳбатлашди
Амман, Иордания

Rating: -154   

Comments

championat.asia
< show latest news
Яндекс.Метрика