Latest news

08:17Sofascore. Захирадан майдонга тушган Ўрибоев энг катта баҳолардан бирини олди  0 07:52"CAFA Nations Cup-2025" . Қўшниларимиз ўзаро дуранг ўйнаган учрашувдан ФОТОГАЛEРEЯ  0 07:25"Ал Иттиҳод" мавсумни йирик ғалаба билан бошлади. Бенземадан хет-трик  0 02:31Ла Лига. "Реал" ўз уйида икки дақиқада 2 та гол уриб, "Мальорка"ни мағлуб этди  25 02:25А Серия. "Наполи" ва "Рома"да минимал ғалаба, "Аталанта" Пармада дуранг қайд этди  1 02:20Лига 1. "Тулуза" ва ПСЖ ўртасидаги ўйинда 9 та гол урилди  1 02:16Туркия Суперлигаси. "Ризеспор" Истанбулда "Галатасарой"га мағлуб бўлди, Алиқулов 73 дақиқа ўйнади  4 01:05Бундеслига. "Аугсбург" ва "Бавария" ўртасидаги ўйинда 5 та гол урилди  4 01:01Карлуш Кейруш: "Очиғини айтаман, бугун ғалаба қозонишимиз керак эди"  17 00:30Кападзе: "Кечирасизлар, лекин интернетда ёзилаётган нарсалар барчага таъсир қилмоқда"  47 23:35Бельгия Про лигаси. "Антверпен" меҳмонда мағлубиятга учради, Ўринбоев захирадан ўйинга қўшилди  1 22:37Гарначо 40 млн фунт эвазига янги клубига ўтди  7 22:11Ла Лига. "Атлетико" бу сафар "Алавес"ни юта олмади. Симеоне жамоаси уч ўйинда 2 очко жамғарди  2 22:09Ровшан Мередов: "Бундай турнирлар орқали нималар қўшишимиз кераклигини кўриб оляпмиз"  8 22:00Қирғизистон бош мураббийи: "Майдон ҳолати сифатли футбол кўрсатишга йўл қўймади"  7

Эктор Купер: "Миллий терма жамоа асоси мунтазам шакллантириб борилади" News

Эктор Купер: "Миллий терма жамоа асоси мунтазам шакллантириб борилади"

Ўзбекистон миллий терма жамоаси Эктор Купер бошчилигида Тошкентда йиғинга киришгани ҳақида аввал хабар бериб ўтгандик.

ЎФА матбуот хизмати аргентиналик мутахассис билан қисқа интервью уюштириб, бўлажак йиғин ва таркибга жалб қилинган футболчилар ҳақида суҳбатлашди.

- Жаноб Купер, йиғинга футболчиларни жалб қилишда нималарга асосландингиз?
- Биринчи навбатда, Ўзбекистон миллий терма жамоасининг Жаҳон чемпионати саралашидан ўрин олган барча учрашувларини кўриб чиқдим. Шунингдек, бу йил ўтказилган ўртоқлик учрашувларининг видеоёзувини ҳам ёрдамчиларим билан таҳлил қилдик. Ана шу учрашувларда қатнашган футболчиларни дастлабки йиғинга таклиф қилишга қарор қилдик. Йиғин давомида футболчилар билан яхшироқ танишиб, улар ҳақида кенгроқ маълумотга эга бўламиз. Шундан келиб чиқиб миллий терма жамоанинг асосини шакллантириб борамиз.

- Демак, дастлабки йиғинга чақирилган футболчилар асосий таркибдан жой олиш учун рақобатга киришишлари керак бўлади, тўғрими?
- Ҳа, албатта. Йиғинга чақирилди деганда асосий таркибдан жой кафолатланди дегани эмас. Йиғин давомида бизни қониқтирмаган футболчиларга жавоб бериб юборилади. Шунингдек, Ўзбекистон Суперлигаси учрашувларини мунтазам кузатиб бориш орқали, миллий чемпионатдан ҳам футболчилар келаси йиғинларга таклиф қилинади. Бунинг устига, Олимпия терма жамоасида тўп сураётган футболчилар бор. Улардан ҳам миллий терма жамоага бир қатор футболчиларни чақирамиз.



- Олимпия терма жамоаси ҳақида сўз очдингиз. Индонезияда бўлиб ўтаётган Осиё ўйинларини кузатиб боряпсизми?
- Албатта, кузатиб боряпман. Олимпия терма жамоаси жуда яхши шаклланган, кучли футболчилардан иборат. Бу жамоадан бир қатор футболчиларни кўз остимга олиб қўйдим. Уларни кейинги йиғинларга жалб қиламиз. Асосийси, футболчининг йиғин пайтидаги жисмоний ва функционал ҳолатига кўп нарса боғлиқ. Бунинг устига, термага таклиф қилинган футболчи менинг услубимга мос келиши керак. Мана шу икки жиҳат футболчиларнинг миллий терма жамоада ўйнаб кетишида энг асосий омил ҳисобланади.

- Миллий терма жамоамиз сентябдра Сурия ва Эрон билан, октябрда Қатар ва Шимолий Корея билан ўйнайди. Танланган рақиблар ҳақида фикр билдириб ўтсангиз.
- Албатта, ўртоқлик ўйинлари учун танланган рақиблардан тўла қониқиш ҳосил қилдим. Ҳозир рақибларни кучли ёки кучсизга ажратиб ўтирадиган пайт эмас. Муҳими, ўз ўйин услубимизни йўлга қўйиб, асосий таркибни шакллантиришимиз керак.

Фурсатдан фойдаланиб, бизга барча шароитларни яратиб бераётган, яхши спарринг рақиблар билан ўртоқлик ўйинлари ташкил қилаётган Ўзбекистон футбол ассоциацияси раҳбариятига миннатдорчилик билдириб ўтмоқчиман".

Rating: +106   

Comments

championat.asia
< show latest news
Яндекс.Метрика