Latest news

02:10Конференциялар лигаси. "Челси" финал масаласини деярли ҳал қилди, "Бетис" "Фиорентина"ни кичик ҳисобда мағлуб этди  0 02:03Европа лигаси. "Манчестер Юнайтед" меҳмонда йирик ғалабага эришди, "Тоттенхэм" ҳам учта гол билан зафар қучди  3 01:50АПЛ. ЕЧЛ учун курашаётган "Ноттингем Форест" ўз уйида мағлубиятга учради  1 01:11Холанд қайтди  0 00:15Ана холос! "Интер"нинг энг муҳим футболчиси "Барселона"га қарши ўйнамайди  11 00:01Европа лигаси ярим финалларидан онлайн ҳисоб  30 00:00Конференциялар лигаси ярим финалидан онлайн ҳисоб!  3 23:44"Реал" Модрич ва Васкес билан шартномани узайтиради  3 23:13Гёкереш "Манчестер Юнайтед"га ўтадими? Рубен Аморим жавоб берди  1 22:50Сеск Фабрегас фаолиятидаги энг яхши мураббийи ким эканлигини айтди  1 22:11Габриэль Агбонлахор: "Ямал мени қўрқитмоқда"  4 21:57Ямалнинг ёшида Месси ва Роналдунинг статистикаси қандай эди?  13 21:35"Реал" Модрич ва Васкес билан шартномани узайтиради, аммо жуда қисқа муддатга  3 21:32Илёс Зейтуллаев "Ювентус"нинг ўрнига қаерга бориши мумкин бўлганини айтиб берди  7 21:15УЕФА ЕЧЛ ҳафта рамзий терма жаомасини эълон қилди  8

Эктор Купер КХДРга қарши ўйиндан кейинги матбуот анжуманида нималар деди? News

Эктор Купер КХДРга қарши ўйиндан кейинги матбуот анжуманида нималар деди?

Ўзбекистон ҳамда КХДР учрашувидан сўнг терма жамоамиз устози Эктор Купер ўз фикрларини билдириб ўтди.

"Биринчи навбатда, биз янги футболчиларни кўрикдан ўтказдик. Шундан мамнунман. Илк маротаба ўйнаган футболчиларда муаммо бўлиши мумкин. Аммо, мен улардан хурсандман. Барчаси ўхшади. Чунки, янги ўйнаган футболчилар ҳам ижобий натижага ўз ҳиссасини қўшди. Ўйин ҳақида гапирадиган бўлсак, баъзи вазиятларда ўхшади, баъзи ҳолатларда ҳалиям хатолар бор. Ўртоқлик ўйинларидан мақсад, жамоани синовдан ўтказишдир", - деб сўз бошлади Купер.

-Ушбу ўйин орқали ўзингиз учун нимани кўриб олдингиз?

-Рақиблар хатоси ҳақида хеч қандай фикр билдира олмайман. Чунки, улар бизнинг прессингимиз сабаб, ёки ўзлари сабаб хато қиладилар. Биз прессингни назорат қила олмаганимизда, қарши ҳужумга эътибор қаратишимиз лозим деб ўйлайман. Шундай рақиблар борки, улар хатони кечириб ўтиришмайди. Агар КХДР кўп ҳужум қилмаган бўлса, мен футболчиларимни мақтаб ўтишим лозим. Бизни ҳам доимо таққослашади. Муаммо қачон келиб чиқади? Биз ўзимизни кучли ёки кучсиз деб ҳисоблашимиздан. Мен натижадан мамнунман. Мухлислар кўп ташриф буюрганидан ҳайрон қолдим ва бундан албатта хурсандман. Яна бир маротаба айтаман, натижа мени алдай олмайди. Биз ўйиндан сўнг хатоларимизни кўриб, таҳлил қилиб чиқамиз. 

-Бугун Шомуродовни майдонга тушириб, уни кўриб олиш маъқул эмасмиди?

-Бизда ҳали Сурияга қарши ўйин ҳам бор. Унда янги тажрибаларни синаб кўришга вақтимиз бўлади. Биз ҳар бир ўйинга футболчиларнинг ҳолатини ҳисобга олиб танлаймиз. Футболчилар терма жамоада ҳам клубдаги кучли ўйинини кўрсатиши лозим. Мен жамоада рақобат катта эканлигидан хурсандман. Мен битта чизиқ фақатгина битта футболчига боғланиб қолишини истамайман. Бу жуда ёмон. 


-10 баллик тизимда терма жамоамиз ҳаракатларини неча баллга баҳолаган бўлардингиз?

-Рақибларни кучли ёки кучсиз деб ажратиш... Лекин, бизни ҳам таққослашади. Билмайман, бу ўйин учун неччи бал қўяман. Аммо, мен бугун мамнунман. Футболчилар бугун масъулиятни ҳис қилган ҳолда ҳаракат қилишди. Агар бугун ютмаганимизда нима бўларди? Буни барчамиз билиб тургандик. КХДР биздан ФИФА рейтингида паст бўлган терма жамоа. Шу сабабли, бу ўйин учун балл қўймаган бўлардим. 


-Биринчи бўлимда ўйин қовушмагандек бўлди. Иккинчи таймда ўйинимиз бироз кучайди. Танаффусда нимани ўзгартирдингиз?

-Биринчи навбатда ўйин 90 ёки ундан кўп дақиқа давом этади. Биринчи бўлим ҳақида гапирадиган бўлсак, нима бўлгани аён. Биз тўпни қанотлар орқали назорат қилишимиз лозим эди. Иккинчи бўлимда қанотлар масаласида ўйинни яхши ташкил қила олдик. Бу учрашувда ҳал қилувчи нуқтага айланди.


Азиз Тўхтамуродов ёзиб олди


Rating: +67   

Comments

championat.asia
< show latest news
Яндекс.Метрика