ЕЧЛ. Превью: "Ювентус" "камбэк" амалга оширишни уддалайдими?

Европа чемпионлар лигаси нимчорак финал доирасидаги жавоб баҳсида "Ювентус" Мадриднинг "Атлетико" жамоасини меҳмон қилади. Испаниядаги баҳсда Аллегри бошқарувидаги жамоа Симеоне "армия"си қаршлигини енга олмай, 2:0 ҳисобида мағлуб бўлганди.

Atletico Madrid Jose Gimenez - 78', Diego Godin - 83'

Champions League Final Stage . Round 1/8 21/02/2019, 01:00 0 : 2 Finished

Juventus

Stadium: Estadio Wanda Metropolitano, 67193 spectators

Referee: Felix Zwayer

45'

90'

8'  Diego Costa

45'  Thomas Partey

58'  Diego Costa (Alvaro Morata)

61'  Thomas Partey (Thomas Lemar)

67'  Koke (Angel Correa)

78'  Jose Gimenez

83'  Diego Godin

89'  Antoine Griezmann

55'  Alex Sandro

72'  Miralem Pjanic (Emre Can)

80'  Paulo Dybala (Federico Bernardeschi)

84'  Blaise Matuidi (Joao Cancelo)

Open in Match Center

Европа чемпионлар лигаси тарихида икки ёки ундан кўп тўп фарқига ютқазган жамоалар ичида фақатгина 12 маротаба "камбэк" амалга оширилган. Энг охиргиси ўтган ҳафта Парижда руй берди. МЮ дастлабки ўйиндаги 2 тўп фарқини сафарда йўққа чиқаришни уддасидан чиққанди. "Ювентус" ҳам бугун худди шу ишни такрорлашга уриниб кўради. Фарқи, улар ўз уйларида ўйнашади. Бу яхши жиҳат. Қийин тарафи шуки, "Ювентус" МЮ каби ўз дарвозасидан гол ўтказиб юборишга ҳаққи йўқ. Акс ҳолда вазият янада қийинлашади ва туринликларни кейин фақатгина 3та тўп фарқидаги ғалаба қаноатлантиради. Чунки қоидага кўра, меҳмонда урилган гол қиймати ҳисоб тенглашган пайтда меҳмон жамоа тарозиси палласига оғади.

"Атлетико" ПСЖ эмаски, улар ҳимояда тартибсиз ёки қўпол хатоларга йўл қўядиган жамоа эмас. Диего Симеоне жамоасининг энг кучли ва "қуроли" айнан мудофаа чизиғи саналади. "Ювентус" бугун айнан шу мудофаага қарши "калит" топиши шарт. "Атлетико"га камида учта гол уриш учун ҳужумда шунчаки фантастик ўйнаш лозим. Акс ҳолда жамоа ЕЧЛдаги юришини нимчорак финалдаёқ тўхтатади. Шуни унутмаслик керакки, ўтган ҳафтадаги жавоб ўйинлари ЕЧЛда барча масала жавоб беллашувининг финал хуштаги чалинмагунча ҳал бўлмаслигини яна бир бор исботлади.

"Ювентус"нинг асосий "қуроли" Роналду бўлиши шубҳасиз. Барча умид ва имкониятлар португалиялик футбол афсунгарига боғлиқ дейилмоқда. Айнан унинг тажрибаси ва "Атлетико"ни жуда яхши таниши қўл келиши мумкин. Лекин бир жиҳат борки, Роналду жорий мавсум ЕЧЛда ҳозирча атиги битта гол урган. Криштиану "Юве" сафида ЕЧЛда ҳозирча ортиқча шовқин кўтара олмаяпти. Бугун эса бутун Турин айнан Роналдунинг "шовқин" кўтаришига ишқибоз. Шунингдек, "Атлетико" мудофаа чизиғи ҳам Роналду билан яхши таниш ва унинг имкониятларини жуда яхши чамалай олишларини унутмаслик керак. Керакли маълумотлардан қайси тараф тўғрироқ фойдаланишини эса вақт кўрсатади.

Juventus Cristiano Ronaldo - 27', Cristiano Ronaldo - 48', Cristiano Ronaldo - 86'

Champions League Final Stage . Round 1/8 13/03/2019, 01:00 0 : 3 Finished

Atletico Madrid

Stadium: Allianz Stadium, 40884 spectators

Referee: Bjorn Kuipers

45'

90'

27'  Cristiano Ronaldo

27'  Federico Bernardeschi

48'  Cristiano Ronaldo

48'  Joao Cancelo

64'  Federico Bernardeschi

67'  Leonardo Spinazzola (Paulo Dybala)

80'  Mario Mandzukic (Moise Kean)

86'  Cristiano Ronaldo

57'  Thomas Lemar (Angel Correa)

73'  Juanfran

77'  Santiago Arias (Vitolo)

86'  Jose Gimenez

90'  Vitolo

Open in Match Center

ЕЧЛ, нимчорак финал. Жавоб ўйини.

"Ювентус" - "Атлетико" (0:2)

"Аллианз стэдиум".

Бош ҳакам: Бьорн Куйперс (Голландия)

"Ювентус": Щенсни; Касерес, Бонуччи, Кьеллини; Бернардески, Джан, Пьянич, Матюйди, Канселу; Манджукич, Роналду

Ўйнамайди: Алекс Сандро (дисквалификация), Хедира (жароҳат), Бардзальи (жароҳат), Де Шильо (жароҳат), Дуглас Коста (жароҳат)

Дисквалификация хавфида турган футболчи: Матюйди

"Атлетико": Облак; Ариас, Хименес, Годин, Хуанфран; Коке, Родриго, Сауль, Лемар; Гризманн, Мората

Ўйнамайди: Диего Коста (дисквалификация), Эрнандес (жароҳат), Томас (дисквалификация), Филипе Луис (жароҳат)

Дисквалификация хавфида турган футболчилар: Корреа, Филипе Луис, Хименес, Гризманн

Мураббийлар нима дейди?

Массимо Аллегри: "Биз ўз имкониятларимизни ишга солишга ишонамиз. Ҳар бир футболчи ўзининг энг яхши футболини кўрсатиши лозим. Камида ҳакам хуштаги чалинганда бошни тик тутганча майдонни тарк этишимиз лозим. Ақлли ўйин қилишимиз ва минимал хатога ҳам йўл қўймаслигимиз талаб этилади. Бизни жуда муҳим ва катта ўйин кутмоқда. Биз мазкур баҳсга тайёрмиз. Тактик схема ўйин тизимига жуда катта таъсир кўрсатади деб ўйламайман. Биз имкон қадар вертикал ва тезкор футбол кўрсатишимиз талаб қилинади. Роналдудек голеадор футболчига эга эканлигимиз қўшимча имконият тақдим этади".

Диего Симеоне: "Жуда кучли жамоалар тўқнашуви. Рақиб майдончасидаги ҳар бир кичик бўшлиқдан ҳам максимум фойдаланишимиз керак бўлади. "Ювентус" дастлабки ўйинда бўлгани каби кўп ҳам имконият бермайди. "Юве"нинг таркиби жуда кучли, ижрочила маҳорати юқори. Нафақат ҳужум чизиғи, балки ҳимоя чизиғида ҳам катта тажрибага эга футболчилар бор. Биз эҳтиёткор бўлишимиз даркор. Биринчи ўйин бошқа, жавоб беллашуви умуман бошқа. Кичик деталлар ҳам ўйин натижасига бевосита таъсир қилиши мумкин. Шу учун ҳам футбол фантастик ўйин".