ЕЧЛ. Дастлабки тўртта гуруҳда вазият қандай?

Дастлабки тўртта гуруҳда 6-тур учрашувлари бўлиб ўтади. Биз барча гуруҳлардаги вазият билан таништириб ўтамиз.

"A" гуруҳи

"Реал" биринчи ўринни, ПСЖ иккинчи ўринни олиб бўлди. "Мальме" ва "Шахтер" сўнгги турда Европа лигаси йўлланмаси учун кураш олиб боришади. Айни пайтда иккала клуб ҳисобида 3 очкодан бор. Агар очколар тенг келиб қолса дастлаб ўзаро ўйинларга қаралади. Ўзаро ўйинларда Украина клуби устун.

6-тур
ПСЖ - "Шахтёр"
"Реал Мадрид" - "Мальмё"

№	Жамоа	Ў	Ю	Д	М	Т-Н	О
1	Реал М	5	4	1	0	11-3	13
2	ПСЖ	5	3	1	1	10-1	10
3	Шахтёр	5	1	0	4	7-12	3
4	Мальме	5	1	0	4	1-13	3

"B" гуруҳи

Бу гуруҳда ҳозирча ҳеч қайси клуб кейинги босқич масаласини ҳал қилгани йўқ. Плей-оффга чиқиш учун "Вольфсбург"га дуранг ҳам етарли, ғалаба немисларга биринчи ўринни келтиради.

МЮ бугун ғалаба қозонса гуруҳда биринчи бўлади. Акс ҳолда Англия клуби ЦСКА ПСВдан очко олишини кутади.

ПСВ ғалаба қозонса плей-оффга чиқади. Агар МЮ Германияда мағлуб бўлса Голландия клубига дуранг ҳам етарли бўлади. Сабаби ПСВ ўзаро ўйинларда МЮдан устун. Агар ПСВ ғалаба қозонса ва нариги ўйин дуранг билан тугаса, биринчи ўрин тақдирини тўплар нисбати ҳал қилади. ПСВ ва "Вольфсбург"нинг ўзаро ўйинлари тенг.

Агар ЦСКА Голландияда ғалаба қозонса учинчи ўринни эгаллайди. Сабаби Россия клуби ПСВни ўзаро ўйинларда ортда қолдиради.

6-тур
"Волфьсбург" - "Манчестер Юнайтед"
ПСВ - ЦСКА

№	Жамоа	Ў	Ю	Д	М	Т-Н	О
1	Вольфсбург	5	3	0	2	6-4	9
2	Манчестер Юнайтед	5	2	2	1	5-4	8
3	ПСВ Эйндховен	5	2	1	2	6-6	7
4	ЦСКА	5	1	1	3	4-7	4

"C" гуруҳи

"Бенфика" ва "Атлетико" плей-оффга чиқиб бўлишган. "Бенфика" бугун дуранг ўйнаса ҳам биринчи ўринни нақд қилади. "Атлетико" Португалияда ғалаба қозонсагина биринчи ўринни олади.

"Астана" Туркияда ғалаба қозона олса "Галатасарой"ни тўртинчи ўринга тушириб юборади.

6-тур
"Галатасарой" - "Астана"
"Бенфика" - "Атлетико"

№	Жамоа	Ў	Ю	Д	М	Т-Н	О
1	Атлетико	5	3	1	1	9-2	10
2	Бенфика	5	3	1	1	9-6	10
3	Галатасарой	5	1	1	3	5-9	4
4	Астана	5	0	3	2	4-10	3

"D" гуруҳи

"Ювентус" ва "Манчестер Сити" кейинги босқичга чиқиб бўлишган. "Ювентус" бугун мағлуб бўлса ва нариги ўйинда "Сити" ғолиб бўлса турин клуби биринчи бўлмайди.

"Севилья" ўзаро ўйинларда "Боруссия"дан устун, шу боис учинчи ўринни олиши учун ўзи ғалаба қозониши ва Менхенгладбах клуби ғолиб бўлмаслигини кутади.

6-тур
"Манчестер Сити" - "Боруссия М"
"Севилья" - "Ювентус"

№	Жамоа	Ў	Ю	Д	М	Т-Н	О
1	Ювентус	5	3	2	0	6-2	11
2	Манчестер Сити	5	3	0	2	8-6	9
3	Боруссия М	5	1	2	2	6-8	5
4	Севилья	5	1	0	4	7-11	3

Нарзулла Сайдуллаев