ЕЧЛ, 5-тур. "B" гуруҳи. "Базель" - "Реал", "Лудогорец" - "Ливерпуль"

Чемпионлар лигасининг "B" гуруҳидаги вазият ҳам бироз чигал кўриниш олган. Шубҳасиз ушбу квартетда Мадриднинг "Реал" клуби фаворит. Карло Анчелотти шогирдлари ўтган турдаёқ асосий вазифаларини ҳал этишган эди. Энди улар шунчаки клуб обрўси ва мусобақа нуфузи учун муваффақиятли тўп суришга интилишади.
Бу гуруҳда шунингдек яна "Базель", "Ливерпуль" ва "Лудогорец" жамоалари "Реал" билан бирга плей-оффга йўлланма олиш учун курашишмоқда. Ҳозира "Базель"нинг имкониятлари "Ливерпуль" ва "Лудогорец"никидан яхшироқ бўлиб турибди.
Ушбу турда Чемпионлар лигасининг амалдаги ғолиби "Реал" жамоаси Швейцарияга сафар қилади. Улар "Базель" билан ўзаро ҳисоб-китоб қилиб олишади. Бу ўйинда ғалаба кўпроқ мезбонлар учун муҳимроқ ва керакли. лекин Карло Анчелотти шогирдларини осонликча таслим этиш анчагина қийин масала. Бу баҳсда "Реал" ўзининг асосий таркибидаги бир неча футболчиларига дам бериши ҳам мумкин. Бу эса "Базель"га қўшимча имконият бериши мумкин.
Гуруҳдаги иккинчи учрашув "Лудогорец" ҳамда "Ливерпуль" жамоалари ўртасида кечади. Бу ўйиндан сўнг қайсидир жамоа расман кейинги босқичга йўл олиш имкониятини йўқотиши ҳақиқатга яқинроқ. Агарда "Реал" "Базель"ни ютиб, "Лудогорец" ва "Ливерпуль" ўзаро дуранг натижасини қайд этишсагина барча жамоалар сўнгги тур олдидан ўз имкониятларини сақлаб қолишлари мумкин бўлади. Брендан Рожерс бошчилигидаги "Ливерпуль" жамоасининг ички чемпионат сингари чемпионалар лигасида ҳам ишлари юришмаяпти. Улар учун бугунги беллашув мисоли финал сингари жуда бўлиши аниқ.

"B" гуруҳи.


"Базель" - "Реал" (00:45, "НТВ ПЛЮС Футбол3")

"Якоб Парк".

Бош ҳакам: Милорад Мажич (Словакия)


"Лудогорец" - "Ливерпуль" (00:45, "НТВ ПЛЮС Спорт Плюс")

"Васил Левски".

Бош ҳакам: Антонио Матеу (Испания)



4-турдан кейинги ҳолат

#	Жамоа	Ў	Ю	Д	М	УГ - ЎГ	Т-Н	Очк
1	Real Madrid	4	4	0	0	11 - 2	9	12
2	Basel	4	2	0	2	6 - 6	0	6
3	Liverpool	4	1	0	3	2 - 6	-4	3
4	PFC Ludogorets Razgrad	4	1	0	3	3 - 8	-5	3