Latest news

17:28"CAFA Nations Cup-2025". Қирғиз Республикаси — Туркманистон 0:0 (онлайн ҳисоб)  6 16:53EЧЛ умумий босқичи тақвими: ўйинлар 16 сентябрдан 28 январгача бўлиб ўтади. "Реал" "Атлетико" билан дербидан 2 кун ўтиб, 30 сентябрь куни "Қайрат" меҳмони бўлади  3 15:37"Челси" — "Фулхэм". Таркиблар маълум  5 15:2240 ёшли Роналду Португалия терма жамоасига чақирилди. Бруно, Феликс, Витинья, Далот ҳам рўйхатда  0 14:48Катта футболга йўл очувчи мусобақа — УЕФА Ёшлар Лигаси: "Қайрат" илк бор ЕЧЛда қатнашади  2 14:41Расман: Нкунку "Челси"дан "Милан"га ўтди  1 14:12"Байер" 30 миллион евролик трансферни амалга оширмоқда  0 13:31"Бавария" Жексонни 65 млн еврога сотиб олиш ҳуқуқи билан 15 млн еврога ижарага олади. Мюнхенликлар "Челси" билан келишиб олди  1 12:45Ўзбекистон терма жамоаси октябрь ойида Малайзияда Уругвай билан ўйнайди   12 12:38"Боруссия" футболчисини 52 млн еврога сотмади  0 12:20Жоэль Кожо нима учун "Динамо"га эмас, "Нефтчи"га ўтганини сабабини айтди  7 12:13"Барселона" ва яна учта клуб "Интер" футболчисига даъвогарлик қилмоқда  1 11:48Хойлунднинг янги клуби маълум  1 11:23МЮ собиқ футболчиси Бразилияга йўл олди  1 10:47Португалия терма жамоасининг бўлажак ўйинлар учун таркиби маълум  5

Душанбенинг “Истиқлол” клуби сардори Алишер Жалилов Испания нашрларидан бирига берган интервьюси News

Душанбенинг “Истиқлол” клуби сардори Алишер Жалилов Испания нашрларидан бирига берган интервьюси

Тожикистоннинг “Истиқлол” жамоаси аъзоси ва етакчи ўйинчиси Алишер Жалилов Испаниянинг larazon.es нашрига бирига ўз клубининг муваффақиятлари сири билан ўртоқлашди.

У суҳбат жараёнида “Реал Мадрид” мухлиси эканлигини яширмади.

- Испания футболига қизиқишингизни сабаби нимада?
- Биз барча давлатларнинг услубини қизиқиш билан томоша қиламиз ва маълум бир жиҳатларни ўрганамиз. Бироқ, Испания футболи жаҳон миқёсида етакчилардан бири ҳисобланади. Шунинг учун кўпроқ ушбу мамлакат чемпионатини кузатамиз.

- Бу кимдан чиққан ғоя?
- Жамоадошларим ва менинг фикрим. Ҳозирда кўплаб чемпионатлар тўхтатилган. Қисқа вақт ичида коронавирусни енгиб ўтишларига ишонаман.

- Испаниядан қайси жамоанинг мухлисисиз? Футболчилардан кимларнинг ҳаракатларига эътибор қаратасиз?
- Ҳа. Менга испан услуби жуда ёқади. Ла Лигада ўйнайдиган клублардан “Реал Мадрид”нинг ўйинларига бефарқ эмасман. Карим Бензема, Тони Кроос, Эден Азар каби юқори даражадаги футболчиларни томоша қилиш фақат завқ бағишлайди. Шунингдек, “Барселона”дан Месси ва Суареснинг ҳаракатлари мени ўзига жалб қилади.

- Мазкур икки клубдан таклиф бўлса кўчиб ўтишга тайёрмисиз?
- Мен азалдан “Реал” мухлисиман. Болалигимдан ушбу жамоага меҳр қўйганман.

- Бутун дунёда коронавирус пандемиясига қарамай Тожикистон чемпионати давом эттирилмоқда. Бунга муносабатингиз қандай?
- Саломатлик ҳаётимизнинг энг муҳим қисмидир. Ҳайриятки, бизда футбол билан шуғулланиш ва учрашувларни ўтказиш учун барча шароитлар яратилган.

- Хавфсизлик қай даражада?
- Футболимиз расмийлари ва федерация раҳбарлари тинмсиз ҳаракат қилишмоқда. Уларнинг меҳнати туфайли биз хавфсиз муҳитда футбол ўйнамоқдамиз.

- Тожикистон футболининг ҳозирги даражаси ҳақида нима дея оласиз?
- Бизда футбол йилдан йилга яхшиланмоқда. Олий Лигамизда рақобатбардош жамоалар сони ошди. Бир неча йил олдин “Истиқлол” жамоаси ОФК кубоги финалига қадар етиб борганди. Натижалар кўтарилиши учун кўп ишлаяпмиз.

- Стадионлар мухлислар билан тўладими? Ишқибозлик қай даражада?
- Албатта. Футбол бизда анънавий спорт тури бўлган “гуштингири” билан бир қаторда туради.

- “Истиқлол” эришаётган муваффақиятларнинг сири нимада? Ғалабалар ниманинг ҳисобига қўлга киритилмоқда?
- Ишнинг тўғри ташкил қилиниши муваффақиятнинг сабабидир. Раҳбарият жамоага доим кучли мураббий ва футболчиларни таклиф қилади. “Истиқлол”ни ўз ички чемпионатларида етакчилик қиладиган клубларга қиёслаш мумкин.


 Абдулазиз Искандаров таржимаси

Rating: -2   

Comments

championat.asia
< show latest news
Яндекс.Метрика