"Динамо"дан навбатдаги юриш. Жамоа Буркина-Фасо терма жамоаси футболчиси билан шартнома имзолади

"Жамоамиз мураббийлар штаби таянч яримҳимоя чизиғи учун бир қатор янги ўйинчилар номзодини кўриб чиққач, «Динамо» ПФК Буркина-Фасо миллий жамоасига номзод Драмане Салоу билан шартнома имзолади. 

27 ёшли ярим ҳимоячи Буркина-Фасо миллий жамоаси сафида 8 ўйинда майдонга тушган. Хусусан, 2025 йилда ЖЧ-2026 Африка қитъаси саралаш босқичи доирасидаги 2та ўйинга чақирилган. Драманенинг сўнгги жамоаси "Хапоэл Ҳайфа" бўлиб, у Исроил клубида бир йилда 33 ўйинда майдонга тушган. «Динамо»га эркин агент сифатида қўшилган Салоу 2023/24 йилги мавсумда Арманистоннинг "Урарту" клубида ҳам муносиб фаолият кўрсатиб, чемпионат, кубок ва Европа Чемпионлар лигаси саралаш босқичида жами 42 ўйинда 3та голга муаллифлик қилган", - дейилган "Динамо" жамоаси матбуот хизмати берган хабарда.

Фуқаролиги: Буркина-Фасо

Туғилган жойи: Уагадугу, Буркина-Фасо

Туғилган санаси: 22 май, 1998 йил

Амплуаси: Таянч яримҳимоячи.

Миллий жамоаси: Буркина-Фасо 

Ютуқлари: 

2018 йил – Буркина-Фасо кубоги ғолиби;

2018/19 – Сербия кубоги ғолиби;

2022/23 – Арманистон чемпиони;

2022/23 – Арманистон кубоги ғолиби;