Дилшод Раҳматов: "Осиё чемпионатига йўлланмани қўлга киритдик"

Осиё кубоги саралаш босқичидан ўрин олган Ўзбекистон - Ироқ (3:1) учрашувидан сўнг терма жамоамиз аъзоси Дилшод Раҳматов журналистлар саволларига жавоб қайтарди.

- Қийин ўйин ўтказдик. Ироқ терма жамоаси бош мураббийи бизни алоҳида эътибор билан ўргангани сезилиб турди. Айниқса, биринчи бўлимда бу холат яққол сезилди.

Алоҳида таъкидлаган бўлардим, жамоамиз аъзоси Хусниддин Нишонов бугун жуда яхши ўйин кўрсатди. Айнан унинг ҳаракатлари эвазига урилган голлар жамоамизга ғалаба келтирди. Биз Осиё чемпионатига йўлланмани қўлга киритдик.

- Ироқ ёки Малайзия. Қайси терма жамоа сизда илиқ таасурот қолдирди?

- Ҳар икки терма жамоанинг ҳам ўзига хос устун томонлари бор. Бироқ Осиёда рейтинг жиҳатдан Ироқ кучлироқ саналади. 

Аслида ҳеч қайси терма жамоани кучсиз санамаган бўлардим. Сабаби бунинг натижасида панд еб қолишимиз мумкин.

- Терма жамоамизни қўллаб-қувватлаш учун келган мухлислар ҳақида фикрларингиз...

- Албатта, биз бутун ўйин давомида уларнинг далдасини ҳис қилиб турдик. Улар учун ғалаба қозонишимиз шарт эди. Аренага келган ёки телевидение орқали қўллаб-қувватлаган барча мухлисларга миннатдорчилик билдираман.