Latest news

11:00Каору Митоманинг янги жамоаси деярли аниқ  1 10:34Кевин Де Брюйне “Наполи“да қанча маош олиши маълум  1 10:08“Майдонда максимал даражада кучимизни сарфлаймиз, бизда ишонч бор” - Дониёр Абдуманнопов “Сурхон”га қарши ўйин, чиройли гол ва Суперкубок ҳақида  2 09:40Васкес фаолиятини Осиёда давом эттириши мумкин  2 09:11Ҳусановнинг собиқ мураббийи Англия жамоасини бошқаради  3 08:43Мбаппе “Олтин бутса“ учун курашда биринчи ўринга чиқиб олди  10 08:17Sofascore. Захирадан майдонга тушиб, ассист қайд этган Файзуллаев неча баҳо олди?  3 08:00Суперлига. "Нефтчи" "Шўртан"ни йирик ҳисобда мағлубиятга учратди. "Сўғдиёна" эса ўз майдонида "Бухоро" билан дуранг ўйнади  2 07:54Суперлига. Бугун 3-та учрашув бор  7 07:27АПЛга йўл олган учинчи жамоа номи маълум  6 03:31Франция кубоги. ПСЖ "Реймс"ни йирик ҳисобда мағлуб этиб, бош совринга эга чиқди  6 03:13А Серия. "Милан" сўнгги ўйинда "Монца"ни қийинчиликсиз таслим этди, жамоа кейинги мавсум еврокубокларда иштирок этмайди  1 03:02Германия кубоги. "Штутгарт" финалда учинчи лига жамоаси бўлмиш "Арминия"ни мағлуб этиб, Германия кубогини қўлга киритди - 4:2. Мийо дублга эришди  5 00:21Райан Гравенберх АПЛнинг энг яхши ёш футболчиси деб топилди  1 23:50Элдор Мойлиев: "Иккинчи дақиқадаёқ қизил карточка билан жазоландик ва режамиз ўзгариб кетди"  0

Дилавер Ҳарис: “Насаф"ни яна ОЧЛда иштирок этишига ёрдам бермоқчиман” News

Дилавер Ҳарис: “Насаф"ни яна ОЧЛда иштирок этишига ёрдам бермоқчиман”

Ўзингизга маълум, узоқ танаффусдан сўнг Суперлигага рестарт берилмоқда.

"Насаф" клуби матбуот хизмати машғулот жараёнида жамоанинг янги аъзоси босниялик Дилавер Ҳарис билан суҳбатлашди.

- Юртимизга ва жамоага ҳуш келибсиз Дилавер. Ўзингизни қандай ҳис қилмоқдасиз?
- Aвваламбор барчага ассалому алайкум. Юртингизда ва ушбу жамоада эканлигимдан хурсандман. Бу ерда барча нарса мени қониқтирмоқда. Шаҳрингизда оилам билан биргаман. Шундан бўлса керак ҳеч қандай муаммо бўлгани йўқ.

- Тахминан уч ойдан сўнг футбол майдонларимизга қайтмоқда. Бу ҳақида ўз фикрларингиз билан ўртоқлашсангиз.
- Мен умримнинг асосий вақтини футбол билан ўтказдим ва ўтказмоқдаман. Футболсиз қийин лекин авваламбор инсонларнинг саломатлиги биринчи ўринда туради биз буни тўғри қабул қилишимиз керак. Шундай бўлсада узоқ вақтдан сўнг футболни қайтаётгани бизни хурсанд қилмоқда.

- Энди қисқача жамоамизга келиб қўшилишингиз ҳақида гаплашсак, бу қандай рўй берди?
- “Насаф” бу – катта оила. Бу ерда кучли мураббий қўл остида ажойиб жамоа йиғилган ва улар мени ўз оилаларига қабул қилишди. Бу ерда мен ўзимни яхши ҳис қилмоқдаман. Клуб вакиллари менинг агентим билан боғланган ва улар мени жамоада кўришни хоҳлаётганларини билдиришган. Кўриб турибсизки мен шу ердаман.

- Жамоамизга келиб қўшилишдан олдин ўзбек футболини ўргандингизми?
- Ҳа албатта, жамоага қўшилишдан олдин унинг Суперлигадаги иштироки ҳамда ўзбек футболи ҳақида қисқача тасаввурга эга бўлган эдим.

- Жамоага келиб қўшилишдан олдинги тасаввурингиз ва бу қанчалик ўзини оқлади?
- Жамоага қўшилишдан олдин унинг ОЧЛ даги ўйинларини ўйинларини кўргандим. Кўрдимки жамоа ажойиб стадион ва севимли мухлисларига эга. Чемпионатдаги илк учрашув эса фикрларимни тасдиқлади. Aфсуски карантиндан сўнг футбол учрашувларини мухлисларсиз ўтакзиш ачинарли. Футбол мухлислар учун . Биз уларни соғиниб қоламиз. Ўйлайманки тез орада ҳаммаси ўз ўрнига тушади. Мен жамоамиз ғалабаларига ўз ҳиссамни қўшиб, жамоани яна ОЧЛ да кўришни хоҳлардим.

- Қарши шаҳри ҳақида қандай фикрдасиз?
- Шаҳар менга маъқул. Мен муборак Рамазон ойини оилам билан биргаликда бу ерда ўтказдим. Клуб базасида ҳам чемпионатга тайёргарлик кўриш учун барча шароитлар етарли. Мен ёз фасли ва қуёшни яхши кўраман шунинг учун бу иссиқ об-ҳаво мени чўчитмайди.


- Сиз жамоамиз иштирокидаги 3 ўйинда майдонга тушишга улгурдингиз. Бу ҳақида таъсуротларингиз билан ўртоқлашсангиз.
- Хақиқатдан ҳам мен Суперлиганинг 3 турида майдонга тушдим. Бу мен учун янги чемпионатдаги илк учрашувларим эди. Лигадаги ҳар бир учрашувнинг юқори даражада ташкиллаштирилиши таҳсинга сазовор.


- Клубимизга таклиф қилинган легионерлар нафақат жамоамиз мухлислари балки бутун ўзбек футболи эътирофига сазовор бўлишган. Ҳозирги кунда Тошкентнинг “Пахтакор” жамоасини ҳимоя қилаётган Драган Черан ҳам ўз вақтида жамоамиз шарафини ҳимоя қилганди ва тўпурарга айланганди. Жамоамиз мухлислари ҳам сиздан айнан шундай натижани кутиб қолишади. Сиз шунга тайёрмисиз?
- Мени илк бор Тошкентга Марко билан келганимда Драган билан кўришган эдик. У нафақат яхши футболчи балки яхши инсон ҳам. У Суперлига кўплаб голлар киритган ва “Насаф” учун ҳам албатта. Унинг натижасини такрорлаш қийин бўлади. Лекин бунга ҳаракат қиламан. Ҳар бир учрашувда бор кучим билан ҳаракат қилиб, жамоамиз зафарларига ўз ҳиссамни қўшишга ҳаракат қиламан.


- Жамоадошларингиз орасида кимнинг салоҳиятини юқори баҳолайсиз?
- Жамоада иқтидорли футболчилар кўп. Мен улар орасида айнан кимнидир ажратиб кўрсатмоқчи эмасман. Мен уларнинг футболчилик фаолиятларида юқори чўққиларга эришишларини тилаб қоламан.

Rating: +26   

Comments

championat.asia
< show latest news
Яндекс.Метрика