Диего Чаварриа: "Тошкент менга Кариньо шаҳрини эслатиб юборди"
18 sep 2024 11:11
News

Диего Чаварриа: "Тошкент менга Кариньо шаҳрини эслатиб юборди"

Коста-Рика футзал терма жамоаси аъзоси Диего Чаварриа Нидерландияга қарши ўйиндан кейин микст-зонада ўз фикрлари билан ўртоқлашди.

"Нидерландияга қарши қийин ўйин ўтказдик. Ўйиндан аввал бизга очко муҳим эканлигини яхши билардик. Ғалаба қозонишни исгандик. Шукрки, ҳеч бўлмаганда, 1 очко қўлга киритдик. Кейинги босқичга йўл олиш учун барчаси ўзимизга боғлиқ.

Рақибга қарши кўпроқ ҳимояланиб, асосан, қарши ҳужумларга таянишга ҳаракат қилдик. Афсуски, уларнинг барчасидан унумли фойдалана олмадик.

Кейинги турдаги рақибимиз мезбон Ўзбекистон ҳисобланади. Улар яхши жамоа ва биз бўлғуси учрашувда бор кучимиз билан курашишимиз керак.

Тошкент шаҳри менга ёқди. Бу ер менга Кариньони (Испаниядаги шаҳар — таҳририят) эслатиб юборди", деди Чаварриа.

Оқил Абдубарноев суҳбатлашди.

Link :

Source : championat.asia

Receive latest football news directly on your phone. Subscribe for our Telegram channel!

Rating: +3