Деян Журжевич Исфаҳонда
14 mar 2016 10:17
News

Деян Журжевич Исфаҳонда

Ўзбекистон миллий терма жамоаси мураббийлар штабида фаолият олиб бораётган Деян Журжевич шу кунларда Эроннинг Исфаҳон шаҳрида бўлиб турибди.

Сербиялик мураббий бу ерга "Локомотив" футбол клуби билан ташриф буюрди. Ташрифдан кўзланган мақсад, миллий терма жамоага номзод футболчиларни кузатиш. Хабарингиз бор, терма жамоамиз шу ойнинг ўзида иккита расмий учрашув ўтказади: Филиппин ва Баҳрайнга қарши. Мана шу ўйинларга қайси клубдан кимни чақириш борасида мураббийлар селекция ишларини олиб боришмоқда.

Эртага бўлиб ўтадиган "Сепахон" - "Локомотив" учрашувида Журжевич "Локо"дан Игнатий Нестеров, Ислом Тўхтахўжаев, Сервер Жепаров, Марат Бикмаев, Сардор Мирзаев, шунингдек рақиб жамоадан Фозил Мусаевнинг ўйинини кузатиб боради.