Latest news

18:08"Милан" "Манчестер Сити" ҳимоячиси билан шартнома имзоламоқчи  0 17:39Конференциялар Лигасининг асосий босқичига қуръа ташлаш натижалари эълон қилинди  0 17:15"Манчестер Юнайтед"нинг баъзи футболчилари Аморимнинг тактикасига шубҳа билан қарамоқда  11 16:50Европа Лигасига қуръа ташланди  4 16:26"Ньюкасл" "Барселона" ярим ҳимоячиси учун 100 миллион евро тўлашга тайёр  10 15:58Родриго "Реал"да қоладими?  3 15:28"Арсенал" "Байер" футболчисининг трансферини якунлади  3 14:57"Ал Иттиҳод" Педро учун 35 миллион евро таклиф қилди  6 14:35"Мамлакатимизда футбол ривожланмоқда, балки кейинги мундиалда иштирок этишимиз мумкин". Қирғиз Республикаси бош мураббийи иштирокидаги матбуот анжумани (тўлиқ)  1 14:02Аргентина терма жамоасининг бўлажак ўйинлар учун таркиби маълум  1 13:33"Реал" афсонаси: "Олмаотага учиш Нью-Йоркка учишдек гап"  15 13:04"Фенербахче" Моуриньюни бош мураббий лавозимидан озод этди  13 12:52Туркманистон бош мураббийи Ровшан Мередов: "Бу савол менга эмас"  19 12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  23 11:56Тимур Кападзе Паулу Бенту ҳақида фикр билдирди  38

Денис Коростиченко: "Махарадзе легионер бўлса-да, ўзбек футболи афсонаси" News

Денис Коростиченко: "Махарадзе легионер бўлса-да, ўзбек футболи афсонаси"

Суперлиганинг 9-туридан ўрин олган "Олимпик" – "Локомотив" (0:3) учрашувидан сўнг "темирйўлчилар" бош мураббийи Денис Коростиченко фикрларини билдириб ўтди.

- Ўйин ҳақида

- Барча "Локомотив" мухлисларини ва жамоамиз вакилларини ғалаба билан табриклайман. Яхши ўйнадик. "Олимпик"ни яхши билган ҳолда уларга қарши ўйнаш осон эмаслигини айта оламан. Биз Тимур Кападзе қўл остидаги жамоага қарши ўйнаш қийинлигини инобатга олиб, тактик услубимизни ўзгартирдик. Қарши ҳужумда ўйнашга қарор қилдик. Агар биз прессинг билан ўйнасак, катта қийинчиликка учрашимизни билардик. Чунки улар ҳимоядан ҳужумга жуда тез ўтишади.

- Тимур Кападзе билан "Локомотив" ёшлар жамоасида бирга ишлагансиз. Сиз қайсидир маънода устозингизни мағлуб этдингиз. Қандай ҳиссиётларни бошдан кечиряпсиз?

- Ҳа, Тимур Тохирович билан бирга ишлаганмиз. Олдин ҳам айтганимдек, у киши туфайли "Локомотив"даман. Кападзедан кўп нарса ўрганганман. У ҳамиша оғир дамларда мени қўллаб-қувватлаган, буни ҳеч қачон унутмайман ва раҳмат айтаман. Ундан ҳамиша нималарнидир ўрганиб бораман.

- Алишер Салимов ва Ғулом Ҳайдар Ғуломовнинг ҳолати ҳақида нима дея оласиз?

- Алишер Салимов машғулотларга киришган, бироқ ҳали умумий гуруҳга қўшилмаган. Балки 1 ҳафтадан кейин асосий таркибга қўшилади. Ғулом Ҳайдар Ғуломовнинг жароҳати хусусида батафсил бугун билиб оламиз. Уни ўтган йилги жароҳати безовта қиляпти. 

- Санжар Қодирқуловни ўнг қанот ҳимоясида ўйнатиш фикри кимдан чиқди?

- Ўтган йили 1-2 ўйинда шу позицияда ўйнаган. Шунақа бўлиб қолди. Жумабоевда кичик жароҳат борлиги учун шу Қодирқуловни ўнг қанотда ўйнатиш қарорига келдик. 

- "Локомотив" жисмоний тайёргарлик бўйича мураббийи Акмал Шораҳмедов сиз билан баравар кўрсатма бериб борди. Айрим эпизодларда бир вақтнинг ўзида турлича кўрсатмалар бердингиз. Бу нима билан боғлиқ? Мураббийлар фикри икки хилми?

- Йўқ, бизда икки хил кўрсатма бўлмади. Шунчаки захира ўриндиғидаги ҳамма мураббийлар йигитларга ёрдам беришни хоҳлаймиз. Шу боис айрим вақтларда шунақа бўлиб қолиши ҳам мумкин. 

- Асилбек Амонов икки йилдан бери ҳали майдонга тушгани йўқ. У қачон майдонга тушиши мумкин?

- Асилбек Амонов яхши, тажрибали посбон. У ўйнамаган пайтида озроқ формадан чиқиб қолган. Тажрибали дарвозабон таркибимизда бўлгани яхши. Чунки машғулотларда ҳам рақобат бўлади.

- Жамоа BMB Trade Group компанияси билан шартнома имзолагач, сиз раҳбариятдан трансферлар бўйича қандайдир ваъдалар олмадингизми?

- Йўқ, ҳозирча раҳбарият билан бу масалада гаплашмадик. Насиб қилса, балки қандайдир легионерларни жалб қилиш имкониятимиз бўлар. 1-2 ўйинчи жалб қилсак, чакки бўлмасди.

- Кахи Махарадзенинг бугунги ўйинига қандай баҳо берасиз?

- Мен "Локомотив"га келгунимга қадар унинг ўйинларини кузатиб борганман. У легионер бўлса-да, ўзбек футболи афсонаси, сардор, етакчи. Кахи ҳозир ҳам алмаштириб бўлмас ўйинчи десак бўлаверади. У ҳақиқий сардор қандай ўйнаши кераклигини кўрсатиб қўйди.

Rating: +1   

Comments

championat.asia
< show latest news
Яндекс.Метрика