Де Росси: "Рома"нинг юқори ўринларга қайтиш жараёни бир неча йил вақтни олади"

"Рома"нинг собиқ футболчиси Даниэле Де Росси римликларга чемпионатда энг юқори ўринлар учун курашиш учун қанча вақт керак бўлишини айтди.

"Ўйлайманки, "Рома"нинг юқори поғонага қайтиши учун бир неча йил керак бўлади. Ишончим комилки, Моуринью муваффақиятга эришади. Мен Моуриньюдек мураббий қўл остида ўйнашни истаган бўлардим. У Гвардиола, Симеоне, Клопп ва Анчелотти билан бир қаторда туради. Ҳар қандай ўйинчи ушбу мураббийлар билан ишлашни хоҳлайди. Уларни ғалаба қозонишни биладиганлар афзал кўради. Моуринью ҳам, шубҳасиз, худди шундай инсон", – деди Де Росси.