Даврон Чориев: "Икки жамоа ҳам яхши ўйин кўрсатди"
25 feb 2021 11:01
News

Даврон Чориев: "Икки жамоа ҳам яхши ўйин кўрсатди"

ЎФФ собиқ президенти Мираброр Усмонов хотирасига бағишланган ўйинда Ўзбекистон футбол ва футзал терма жамоаларимиз ўзаро тўқнаш келишди.

Учрашув аввалида футзалчиларимиз Жавлон Аноровнинг аниқ зарбаси эвазига ҳисобни очишди - 0:1. Иккинчи тайм ўрталарида Азиз Ҳайдаров автогол муаллифига айланди - 0:2. Ўйин охирида Даврон Чориев ва Дилшод Раҳматов ҳам футболчиларимизни ранжитишди - 0:4. Биз эса ўйиндаги учинчи гол муаллифи Даврон Чориевнинг фикрлари билан қизиқдик.

"Авваламбор, Мираброр Зуфарович Усмановни оллоҳ раҳматига олган бўлсин. Мазкур ўртоқлик учрашувини ташкил қилган ташкилотчиларга раҳмат айтиб қоламан. Менимча, икки жамоа ҳам яхши ўйин кўрсатди. Асосийси бу ўртоқлик ўйини. Ўйлайманки, кеча ташриф буюрган мухлислар ҳам хурсанд бўлиб кетишди",- дейди Чориев.

Абдулазиз Искандаров ёзиб олди

Link :

Source : championat.asia

Receive latest football news directly on your phone. Subscribe for our Telegram channel!

Rating: