Дания устози: "Англиянинг кучсиз нуқталари йўқ, лекин биз уларни енгишга ҳаракат қиламиз"

"Биз шунчаки ташаббусни рақибга бериб қўймоқчи ва ўз услубимиздан воз кечмоқчи эмасмиз. Қўлдан келганча фаолроқ ҳаракат қилишга ва қизиқарли футбол намойиш қилишга уринамиз.

Шу ўринда, инглизлар ҳам шу ишни бажаришга уринишини тушуниб турибмиз. Рақиб ҳам ўйинга бор диққат-эътиборини жамлаган ҳолда етиб келади. Шундай экан бу устунлик учун, рақибдан бир қадам олдинда бўлиш учун курашга айланади.

Англиянинг кучсиз нуқталари йўқдек. Барчасини кичик деталлар ҳал қилади, биз ўз устунликларимиздан фойдаланишимиз зарур. Улар етти учрашувда бирорта ҳам гол ўтказиб юбормади ва бу жамоанинг нечоғлик кучли эканлиги исботи. Барча режаларни очиб ташламаган ҳолда, биз Англияни мағлуб этиш имконини топамиз деган умиддиаман", – дейди Юлманд.