Coca Cola Суперлигаси. 22-тур лауреатлари
20 oct 2022 17:44
News

Coca Cola Суперлигаси. 22-тур лауреатлари

Куни кеча Coca Cola Суперлигасининг 22-туридан ўрин олган ўйинлар бўлиб ўтди.

Championat.asia ўтказилган баҳслар асосида тур лауреатларини аниқлади.

"Сурхон" бу тур Жиззахда юқори ўринлар учун курашаётган "Сўғдиёна" меҳмони бўлди ва 1:0 ҳисобида ғалабага эришди. Термизликлар посбони шу куни ўз маҳоратини кўрсатиб, дарвозани муносиб равишда қўриқлади ва бир неча бор жамоасини голлардан қутқарди. Шу боис, "Сурхон" дарвозабони Азизхон Исоқов худди ўтган турда бўлгани каби Championat.asia сайти талқинига кўра, 22-турнинг энг яхши дарвозабони деб топилди.

"Сурхон"нинг "Сўғдиёна"ни сафарда мағлуб этишини кўпчилик кутмаганди. Термиз клуби лига қолиш учун кетма-кет кучли рақиблардан очко тортиб олишмоқда, бунда жамоа устозининг ҳиссаси катта. Шундай қилиб, Championat.asia сайти талқинига кўра, худди ўтган турда бўлгани каби Мигель Алварес 22-турнинг энг яхши мураббийи дея эътироф этилди.

Бу турда "Қўқон-1912" ярим ҳимоячиси Ойбек Рустамов "Пахтакор"га қарши баҳсда узоқ масофадан супер гол урди ва тур голига муаллифлик қилди.

22-турда "шерлар" ҳужумчиси Драган Черан "Қўқон-1912" билан баҳсда тўртта гол урди ва мавсумдаги илк покерни қайд этди. Айнан Драган Черан Championat.asia талқинига кўра 22-турнинг энг яхши футболчиси деб топилди.