Coca Cola Суперлигаси. 18-тур лауреатлари
13 sep 2022 15:06
News

Coca Cola Суперлигаси. 18-тур лауреатлари

Куни кеча Coca Cola Суперлигасининг 18-туридан ўрин олган ўйинлар бўлиб ўтди.

Championat.asia ўтказилган баҳслар асосида тур лауреатларини аниқлади.

АГМК бу тур сафарда "Қўқон-1912" билан муроса кўчасини танлади – 0:0. АГМК посбони шу куни ўз маҳоратини кўрсатиб, дарвозани муносиб равишда қўриқлади. Шу боис, АГМК дарвозабони Ботирали Эргашев Championat.asia сайти талқинига кўра, 18-турнинг энг яхши дарвозабони деб топилди.

"Нефтчи" мазкур турда сафарда "Бунёдкор" клуби билан баҳс олиб бориб, 2:1 ҳисобида устун келди. Виталий Левченко шогирдлари шу куни яхши ўйин намойиш қилишди ва ҳақли ғалабага эришишди. Шундай қилиб, Championat.asia сайти талқинига кўра, Виталий Левченко 18-турнинг энг яхши мураббийи дея эътироф этилди.

Бу турда "Насаф" ҳужумчиси Ҳусайн Норчаев "Сурхон"га қарши воҳа дербисида ўзига хос зарбаси орқали тур голига муаллифлик қилди.

"Қизилқум" ҳужумчиси Темурхўжа Абдуҳолиқов "Олимпик"ка қарши беллашувда фаол ўйнади ва гол урди. Тажрибали ҳужумчи мавсумдаги ўзининг 11-голини урди ва Суперлига тўпурари бўлиб турибди. Абдуҳолиқов Championat.asia талқинига кўра 18-турнинг энг яхши футболчиси деб топилди.