Coca Cola Суперлига. Бугун "Андижон" - "Қизилқум" ва "Навбаҳор" - "Бунёдкор" ўйинлари бўлади

АНДИЖОН – ҚИЗИЛҚУМ
27 октябрь 2020 йил. Андижон. "Соғлом Авлод" стадиони. 15:00
Ҳакамлар: Фирдавс Норсафаров, Санжар Шоюсупов, Алишер Усмонов, Аҳмаджон Эргашев
Назоратчи: Рашид Айтеков
Комиссар: Жаҳонгир Раҳматуллаев

Бу жамоалар ҳозирга қадар Ўзбекистон чемпионатида 33 марта тўқнаш келишган. Устунлик "Қизилқум" томонида. 16 марта Навоий клуби ғолиб бўлган, 13 бор Андижон жамоаси зафар қучган. Қолган 4та баҳсда дуранг кузатилган. Ўзаро ўйинларда "Қизилқум" 54та, "Андижон" 46та гол урган.

Охирги бешта ўзаро ўйинда "Андижон" бу рақибни мағлуб эта олмаяпти - 2та дуранг, 3та мағлубият. "Андижон" майдонида ўтган сўнгги 11та учрашувда "Қизилқум" фақат бир марта (2016 йил) ғалаба қозонган, қолган 10та ўйинда имконият бой берилган.

Биринчи даврада Навоийда ўтган баҳсда 1:1 ҳисоби қайд этилганди.

НАВБАҲОР – БУНЁДКОР
27 октябрь 2020 йил. Наманган. "Марказий" стадиони. 17:00
Ҳакамлар: Зокир Қодиров, Анвар Маражабов, Зиёдулла Абдураҳмонов, Фарруҳ Янсупов
Назоратчи: Андрей Тамбовцев
Комиссар: Лазиз Қўчқоров

Бу клублар бугунга қадар миллий чемпионат доирасида 29 бор тўқнаш келишган. Катта устунлик "қалдирғочлар" томонида. "Бунёдкор" 20 марта ғолиб бўлган, 4 марта "Навбаҳор" зафар қучган. Қолган бешта баҳсда дуранг қайд этилган.

Ўзаро ўйинларда "Бунёдкор" 59та, "Навбаҳор" 21та гол урган.

Охирги учта ўзаро ўйинда "Бунёдкор" 3 марта ғалаба қозонган.

Дастлабки даврада Тошкентда кечган учрашувда мезбонлар 3:1 ҳисобида зафар қучишганди.