Ченг Юнг Шен: "Сўнгги сонияларда гол ўтказиб юбориш аламли"

Ченг Юнг Шен (Хитой Тайпеи бош мураббийи): "Биринчи бўлимда футболчиларим яхши ўйнашди, иккинчи бўлимда ҳақида бундай дея олмайман. Рақиб бизга қарши муносиб ҳаракат қилди ва ўйиннинг иккинчи қисмида биздан яхши ҳаракат қилишди.

Ушбу Осиё чемпионати ташкилотчилиги ҳақида нима дейиш мумкин, биринчидан майдонлар бир бирига жуда яқин экан. Бу жуда қулай. Иккинчидан шароитлардан мамнунман, аммо футболчиларим бизга берилган овқатларга кўника олмади.

Хитой Тайпеида ҳозир яхши авлод ўсиб келмоқда. Келажакда улар мамлакат шарафини муносиб ҳимоя қилади деб ўйлайман.

Сўнгги сонияларда гол ўтказиб юбориш аламли, аммо мағлубиятга учрамаганимиз яхши бўлди".