"Чемпионлик кубогини Тошкент вилоятига олиб келишга ҳаракат қиламиз" — Муроджон Тошматов

3:1 ҳисобидаги натижа билан якунланган учрашувувда мезбонларнинг голларидан бирига Муроджон Тошматов муаллифлик қилди. Учрашувдан сўнг унинг фикрлари билан қизиқдик.

- "Нефтчи" турнир жадвалида пастки ўринларда кетаётганди. АГМК эса чемпионлик учун курашмоқда. Шундай экан ўйин борасида қандай таассуротлар юзага келди?
- Кечаги рақибимиз "Нефтчи" Ўзбекистоннинг тарихий жамоаси ҳисобланади. Бугунга келиб улар ўз мавқеини тиклашга ҳаракат қилмоқда. Ушбу жамоага қарши ўйинлар доим қийин бўлиб келган. Шуни билган ҳолда тайёрландик. Биринчи давра якунланишига оз қолди. Демак кўпроқ очко жамғаришимиз керак. Жорий йилда чемпионликка давогарлардан биримиз. Бўшашишга ҳаққимиз йўқ. Қўлга киритилган уч очко чемпионлик йўлила катта ёрдам бериши тайин.

- Гол ўйланган комбинациямиди ёки таваккал қабул қилинган қарор?
- Бурчак зарбаси аввалдан ўйланган режа эди. Лекин қайтган тўпга зарба бердим. Бу вақтда жуда тез қарор қабул қилишингиз даркор. Таваккал зарба бердим. Худога шукур омадим келиб тўп дарвозага бориб тушди.

- Фарғоналикларнинг ожиз нуқтаси дарвоза чизиғидир. Машҳур Муҳаммаджонов бундай голларни бир неча бор ўтказганига гувоҳ бўлганмиз...
- Дарвозабон ҳам гол ўтказаман, деб майдонга тушмайди. Муҳими ҳаракатдан тўхтаб қолмасин. Машҳурбек ажойиб посбон.

- Бу йил чемпионлик Тошкентдан ташқарига чиқадими? АГМКнинг бу борадаги имкониятларини қандай баҳолайсиз?
- Бундан буён очко йўқотмасак чемпионлик кубогини Тошкент вилоятига олиб келишга ҳаракат қиламиз. Насиб қилса биринчи ўринни олмоқчимиз.

- Мавсум бошидаги омадсизликлар нима билан боғлиқ?
- Жамоамизга омад етишмади. Дастлабки турларда мағлубиятларга учрадик. Боз устига таркибимизда ҳам йўқотишлар бор эди. Худога шукур у кунлар ортда қолди.

OKMK Murodjon Toshmatov - 12', Hurshid Giyasov - 70'

Superliga. Round 11 27/05/2022, 19:00 1 : 3 Finished

Neftchi Muhsin Ubaydullaev - 29', Sirojiddin Kuziyev - 31'

45'

90'

12'  Murodjon Toshmatov

12'  Hurshid Giyasov

53'  Hurshid Giyasov

70'  Hurshid Giyasov

72'  Mirjamol Kasimov (Andrey Mishchenko)

72'  Martin Boakye (Aleksandr Kasian)

85'  Siavash Haghnazari (Nodir Abdurazzakov)

85'  Hurshid Giyasov (Shohruh Gadoev)

8'  Marko Saric

29'  Muhsin Ubaydullaev

31'  Sirojiddin Kuziyev

31'  Abdullo Alimov

67'  Anvar Gofurov

74'  Sunnatilla Abdullajonov (Oybek Kilichev)

74'  Marko Saric (Izzat Abdullaev)

80'  Abbos Gulomov (Sherzod Karimov)

Open in Match Center

Абдулазиз Искандаров суҳбатлашди