"Чемпионлар Кубоги" турнири якунланди

Мусобақани ЎФФ ва ўша йили Ўзбекистон терма жамоаси билан чемпионликни қўлга киритган собиқ футболчи Азамат Абдураимовлар ташкиллаштиришди.

Турнирда "Восток", "Корзинка", "Free Zone", "Ардус", "F-88", "Chelsea", "Адолат" ҳамда "Аллианс Арена" жамоалари икки гуруҳга бўлинган ҳолда ғолиблик учун кураш олиб боришди.

14 май санасида мусобақанинг ҳал қилувчи ўйинлари бўлиб ўтди. Учинчи ўрин учун баҳсда "Аллианс Арена" клуби "Восток"ни 4:2 ҳисобида мағлубиятга учратди.
Кичик финалда эса "Корзинка" жамоаси "Адолат"ни енгди.
Асосий финалда эса турнирнинг энг кучли жамоалари ўзаро беллашишди. "F-88" ва "Free Zone" клублари ўртасидаги баҳснинг асосий вақти 2:2 ҳисобида якунланди. Чемпион номини аниқлаш учун томонлар пенальтилар сериясига мурожаат қилишди. Унда Азамат Абдураимов бош мураббийлигидаги "Free Zone" жамоаси 2:1 ҳисобида ғалаба қозонди ва турнир ғолиблигини тантана қилди.

"Чемпионлар кубоги" турнири
14.05.2016

3 ўрин

"Аллианс Арена" - "Восток" 4:2

Кичик финал

"Корзинка" - "Адолат" 3:2

Финал

"F-88" - "Free Zone" 2:2 (пен. серияси 1:2)

Эътиборли томони сўнгги кун беллашувлари ўзбек футболининг афсоналаридан бири Биродар Абдураимовнинг туғилган кунига тўғри келди. Мусобақа иштирокчилари ва ташкилотчилари Биродар Ҳасановични таваллуд айёмлари билан чин дилдан муборакбод этишди ва зарбоп тўн кийдиришди.

Турнир сўнггида ғолиб ва совриндорларга, шунингдек энг яхшиларга эсдалик совғалари ва махсус совринлар топширилди.

Мусобақа финалидан фотогалерея: ФОТО