"Челси" ўзининг трансфер рекордини янгилашга тайёр
04 dec 2019 23:19
News

"Челси" ўзининг трансфер рекордини янгилашга тайёр

Goal.com нашри маълумотларига қараганда, Лондоннинг "Челси" клуби "Боруссия" ҳужумкор ярим ҳимоячиси Жейдон Санчо учун даъвогарлар қаторига қўшилди.

"Кўклар" англиялик футболчини "туманли Альбион"га қайтариш учун клуб тарихидаги трансфер рекордини ҳам янгилашга тайёрлар. Эслатиб ўтамиз, Лондон клуби тарихидаги энг қиммат харид Кепа Аррисабалага ҳисобланади, унинг учун умумий ҳисобда 72 миллион фунт стерлинг сарфланган. Санчо учун эса 100 миллион фунт стерлинг таклиф қилинади. Таъкидлаш лозимки, лондонликлар 19 ёшли футболчи учун "Манчестер Юнайтед" клуби билан жиддий кураш олиб боришлари талаб этилади.