"Бухоро-W" қизлари Қозоғистон жамоасига қарши ўртоқлик ўйини ўтказди
26 dec 2024 22:49
News

"Бухоро-W" қизлари Қозоғистон жамоасига қарши ўртоқлик ўйини ўтказди

Бугун Бухородаги "Умид" стадионида "Бухоро-W" жамоасининг 17 ёшгача бўлган жамоаси Қозоғистоннинг "SD Family" аёллар жамоасига қарши ўртоқлик ўйини ўтказди.

Унда Юсуф Ражабов бошчилигидаги "Бухоро-W" жамоаси 2:1 ҳисобида ғалабага эришди.

Баҳснинг 35-дақиқасида бухороликлар вакиласи Самира Рўзиева ҳисобни очди. 44-дақиқада "SD Family" футболчиси Акерке Канапияева ҳисобни тенглаштирди. Баҳс якунига оз вақт қолганида Зебунисо Ҳакимова "Бухоро-W" фойдасига ҳисобни ўзгартирди ва жамоасига ғалаба келтирди.

Учрашувдан расмлар: