"Бухоро" катта мураббийи: "Дарвозамизга икки маротаба йўқ жойдан пенальти олиб келдик"

"Уч ойдан сўнг футбол ўйнадик. Бу катта таъсир қилди. Легионерларимиз пандемия сабаб етиб кела олишмади. Шунинг учун ёшларни майдонга туширдик. Болларга ҳам раҳмат айтмоқчиман. Бугун ютишимиз ҳам, ютқазишимиз ҳам мумкин эди. Дарвозамизга икки маротаба йўқ жойдан пенальти олиб келдик.

"Машъал" жамоаси барчасини профессионал тарзда шароитларни яратиб берди. Дезинфекция ишлари ва бошқа ташкилий ишларни аъло даражада қилиб берди. Биринчи бўлимда ҳаво ҳарорати жуда иссиқ эди. Дастлабки 25 дақиқадан сўнг футболчилар мослашиб олишди.

Биринчи бўлимда ёмон ўйнамадик. Иккинчи бўлимда толиқиб қолдик. Бизга ғалаба керак эди. Бир томондан боллар ҳали тайёр эмасди. Ҳаттоки, ўртоқлик учрашувлари ҳам ўтказмадик. 8-9 кун давомида тайёргарлик кўрдик",- дейди Мирислом Ҳасанов.