"Бухоро" бугун ўзаро назорат учрашуви ўтказди

"Бухоро" жамоаси бугун иккинчи йиғин доирасидаги дастлабки назорат учрашувини ўтказди.

Жамоа иккига бўлинган ҳолда майдонга тушди. Бухоро Давлат Университетига қарашли футбол майдонида кечган ушбу учрашувда "Кўклар" 4:3 ҳисобида ғалаба қозонишди.

"Кўклар" таркибида Бахриддин Вахобов дублга эришган бўлса, Мурод Ҳамдамов ва янги келган Шукур Жумабоев биттадан гол киритишди.

Асосан ёшлардан ташкил топган "Қизиллар" жамоасидан биринчи лига тўпурари Фирдавс Асадов, Осиё чемпиони Акобир Тўраев ва Бахром Нарзуллаев биттадан голга муаллифлик қилишди. Битта голга Фирдавс Асадов ассистентлик қилганини таъкидлаш жоиз.

Назорат учрашуви
Бухоро Давлат Университетига қарашли стадион.
"Бухоро-1"(Кўклар) - "Бухоро-2" (қизиллар) 4:3
Голлар: Б.Вахобов 2та, М.Ҳамдамов, Ш.Жумабоев - Ф.Асадов, А.Тўраев, Б.Нарзуллаев