"Бунёдкор" - "Олимпик". Стадион тўладими?

Бир томондан ФИФА президенти Жанни Инфантинонинг ташрифи, иккинчи томондан қизиб бораётган Суперлигада 9-турнинг безагига айланиши кутилаётган "Бунёдкор" - "Олимпик" учрашуви. 

Bunyodkor Jasur Hakimov - 71'

Superliga. Round 9 06/05/2023, 18:30 1 : 1 Finished

Olympic Otabek Juraqoziyev - 5'

45'

90'

43'  Doniyor Abdumannopov

46'  Расул Юлдашев (Jasur Hakimov)

46'  Muzaffar Olimjonov (Makhmud Makhamadjonov)

71'  Jasur Hakimov

71'  Igor Ivanovic

72'  Akbar Ismatullaev (Amir Turakulov)

77'  Igor Ivanovic (Umidbek Sultonov)

79'  Aleksey Nosko

86'  Doniyor Abdumannopov (Viktor Sotnikou)

5'  Otabek Juraqoziyev

5'  Temur Mamasidiqov

31'  Farruh Muxtorov

62'  Farruh Muxtorov (Mukhammadaziz Ibrohimov)

62'  Ruslanbek Jiyanov (Alisher Odilov)

65'  Жасур Жалолиддинов (Mukhammadali Giyasov)

78'  Temur Mamasidiqov (Akhmadillo Mukimjonov)

78'  Otabek Juraqoziyev (Mustafo Abdumannopov)

Open in Match Center

Ўзаро ўйинлар 

Жамоалар ўтган мавсумда тарихда илк бор Суперлига доирасида тўқнаш келишди. Биринчи даврада кечган учрашувда айнан "Бунёдкор" стадионида Тимур Кападзе шогирдлари "қалдирғочлар"нинг қанотини қайиришни уддасидан чиққан эди (5:1). Суперлига дебютантидан дастлабки тарсакидан сўнг ўшанда "Бунёдкор" кетма-кет 7та учрашувда ғалаба қозонмаган эди. Иккинчи даврадаги ўйин эса Бошкович бошқарувига тўғри келган ва унда томонлар муроса кўчасини танлаган (1:1). 

Уйда юта олмаётган "Бунёдкор"

"Бунёдкор" бу мавсумни асосан сафарда ўтказмоқда ва меҳмонда керакли натижага эришяпти. Мурод Отажонов "команда"си 7та турдан 5тасини меҳмонда ўтказди ва жами 12 очко жамғарди, 4та ғалаба ва 1 мағлубият, тўплар нисбати 9:3. Уйда эса акси. "Турон" (0:0) ва "Насаф" (1:1) Тошкентдан ортга 1 очко билан қайтишди. Жамоа "Бунёдкор" стадионида сўнгги бор 2022 йил 4-турда "Динамо" билан учрашувда ғалаба қозонган. Бунга ҳам 1 йилдан ошди. Иккинчи даврани эса ОКМК, "Локомотив", "Жар" стадионларида номинал мезбон сифатида рақибларини қабул қилди. 

"Олимпик". Асосий муаммо тепада 

Бу жамоа бамисоли денгиз тўлқинига ўхшайди. Бир текисда йўлида кетаётгани йўқ. Бир ундоқ, бир мундоқ. Тимур Кападзе жамоасида асосий муаммони иккинчи қават билан боғлашимиз мумкин. "Насаф", "Андижон" марказий ҳимоячиларининг жой танлай олиши, позицион тўғри ҳаракат қилиши ҳисобига иккинчи қаватда "Олимпик"ни жазолашга уринишди. Кўрамиз, бугун "Бунёдкор" ҳам рақибининг мазкур хатосидан фойдалана олармикин?

Стадион тўладими?

Агарда ўйинлар қизиқарли, томошабоп бўлса мухлис шундоқ ҳам стадионга тушади. U-20 Осиё кубогида ҳам аввалида бироз тушунмовчилик бўлди-ю, ғалабалар қўлга киритилавергани сари стадион ўз-ўзидан тўлишни бошлади. Терма жамоа, футболчилар ўз ўйинлари, ғалабалари билан одамларни аренага қайтара олишди. Демак Тошкентда мухлис бор. Бугун нима бўлар экан, 18:30 арафасида гувоҳига айланамиз. Барчани "Бунёдкор"га талкиф қилиб қоламиз. Жамоалар ўз ўйинлари билан минглаб инсонларни зериктирмаслигига умид қиламиз. 

Стадионда кўришгунча!