“Бунёдкор” мухлислари диққатига!

Хабарингиз бор, жорий йилда юртимиз клублари орасида биринчи бўлиб расмий баҳсларни “Бунёдкор” жамоаси бошлаб беради. “Қалдирғочлар” 17 февраль куни ОЧЛ-2015 “плей-офф” босқичи доирасида БААнинг “Ал-Жазира” клубини қабул қиладилар.

Ушбу учрашув арафасида “Бунёдкор” мухлислар клуби вакиллари ва аъзоликка янги ёзилмоқчи бўлганлар учун йиғилишлар бўлиб ўтади. Унда “Бунёдкор” мухлислар клуби аъзолигига янги рўйхат тузилади.

Қайд этиш керакки, бу йилдан бошлаб “Бунёдкор” мухлислар клуби аъзолари тамомила янги, замонавий бейжик билан таъминланадилар. Мухлислар клуби аъзолиги учун сўралган хужжатларни тақдим қилган ишқибозларга махсус штрих кодга эга бўлган замонавий бейжиклар тарқатилади. Ушбу бейжик эгалари мухлислар клуби аъзолари учун ажратилган секторда ўзларининг махсус ўриндиқларига эга бўладилар.

“Бунёдкор” мухлислар клуби аъзолигига ёзилиш учун ўзингиз билан 2 дона 3х4 хажмдаги фотосурат ҳамда паспортингизни 2 нусҳада кўпайтирган ҳолда олиб келишингиз лозим.

Йиғилишлар 10 ва 15 февраль кунлари бўлиб ўтади. Ҳар иккала йиғилиш ҳам “Бунёдкор” стадионининг 4-кириш дарвозаси олдида соат 15:00да бошланади.