“Бунёдкор-2004” Олма-Отадаги халқаро турнир ғолиби!

Мусобақа нафақат Қозоғистон футболида ўзига хос из қолдирган собиқ футболчи Темур Сегизбаев хотирасига бағишлаб ўтказилди.

Турнирда жами 6та жамоа иштирок этди ва давра тизимда бир-бирлари билан ўзаро куч синашишди. Миркамол Қосимов ва Темур Бобохонов мураббийлигидаги “Бунёдкор-2004” жамоаси мусобақа давомида “Темиртау”ни 11:0, “Олма-Ота”ни 3:0 “Актобе”ни 3:0 ва “Толдирқўрғон” жамоасини 2:0 ҳисобларида мағлубиятга учратди. “Қайрат” футбол мактаби тарбияланувчилари билан кечган баҳсда ҳисоб очилмади – 0:0.

Шу тариқа, Бунёдкор-2004” энг яхши кўрсаткич қайд этган ҳолда мусобақа ғолибига айланди. “Қайрат” иккинчи ва “Актобе” тарбияланувчилари учинчи ўринни эгаллашди.

Мусобақа якунига кўра, ташкилотчилар тарбияланувчиларимиздан Байрам Нажафалиевни турнирнинг энг яхши дарвозабони ва Азизбек Маҳамаджоновни энг яхши футболчиси деб топишди.

Ушбу муваффақият билан “Бунёдкор-2004” футболчилари ва жамоа мураббийлари Миркамол Қосимов ҳамда Темур Бобохоновни муборакбод этамиз.