“Бунёдкор-2000” Хитойдаги турнирни ғалаба билан бошлади

Мусобақада мезбонлар “Сунгдо” (Хитой), “Кионгидо” (Жанубий Корея), “Юсонён” (Шимолий Корея) ва “Бунёдкор” (Ўзбекистон) жамоалари иштирок этишмоқда.

Турнир низомига кўра, ҳар бир жамоа бир-бирлари билан ўзаро баҳс олиб боришади. Гуруҳ босқичи якунига кўра, энг яхши кўрсаткичга эга бўлган икки жамоа бош соврин учун финал баҳсида қатнашишади. Гуруҳда қуйи икки поғонани банд этган жамоалар эса 3-ўрин учун ўтказиладиган ўйинда ўзаро куч синашишади.

Бугун турнирнинг илк ўйинида Отабек Ғуломхўжаев бошчилигидаги “Бунёдкор-2000” футболчилари мезбонларга қарши баҳс олиб боришиб, 3:1 ҳисобида зафар қучишди. Голларга Абдунозир Абдураҳмонов (2та) ва Абдулхай Исмоилов муаллифлик қилишди.