Бугун Осиё чемпионлар лигасида битта ўйин бор

Кун тартибидан битта ўйин ўрин олган. Саудия Арабистонининг "Ал Наср" клуби ўз майдонида Қатарнинг "Ал Садд" жамоасини қабул қилади. "Ал Наср" аввалги босқичда икки ўйин натижасига кўра БААнинг "Ал Ваҳда" клубини мусобақадан чиқариб юборди. "Ал Садд" эса ҳамшаҳари "Ал Дуҳайл"ни мағлуб этди. 

Қизиғи шундаки, "Ал Наср" ўз тарихида биринчи марта ОЧЛ чорак финалига йўл олди. Аввалги учта иштирокдан фақат биттасида Ар Риёд клуби гуруҳдан чиқиб, ўз иштирокини 1/8 финалда тўхтатганди. 2011 йил "Зобаҳан" "Ал Наср"ни мусобақадан чиқариб юборган. 

"Ал Наср" бунгача ўз майдонида 9та ўйин ўтказиб, шундан учтасида имкониятни бой берган. Учта мағлубиятдан иккитаси "Зобаҳан" билан кечган ўйинларда (2016 ва 2019) рўй берган. 

"Ал Садд" Осиёнинг энг кучли клубларидан бири ҳисобланади. Бугунги ўйинда Хави жамоасига кореялик ярим ҳимоячи Нам Тае Хи ёрдам бера олмайди. Футболчи тиззасидан жароҳат олиб уч ҳафтага сафдан чиқди. 

"Ал Садд" бунгача Саудия Арабистонида 9та учрашув ўтказиб, умуман ғалаба билан қайтмаган: 5 дуранг ва 4 мағлубият. 2011 йил "Ал Садд" якунда чемпион бўлган мусобақада "Ал Наср" билан гуруҳ босқичида куч синашиб "Ал Риёд"да 1:1 ҳисобини қайд этган. 

ОЧЛ-2019. 1/4 финал. Дастлабки учрашувлар

26 август. 22:45 

"Ал Наср" - "Ал Садд" 

27 август. 16:30 

"Шанхай СИПГ" - "Урава Редс" 

27 август. 22:45

"Ал Иттиҳод" - "Ал Ҳилол" 

28 август. 17:00

"Гуангжу Эвергранд" - "Кашима Антлерс"