Бугун футбол. "Сўғдиёна" - "Шўртан"

“Сўғдиёна” (Жиззах) – “Шўртан” (Ғузор)
Ҳакамлар: В. Серазетдинов (Тошкент), Р. Фозилов (Наманган), М. Мажидов (Наманган), Б. Йўлчараев (Гулистон)
Назоратчи: А. Хаматов (Тошкент)
ЎзПФЛ вакили: Б. Ҳайдаров

Жадвалдаги ўрни: "Сўғдиёна" 12-ўринда (11 очко), "Шўртан" 10-ўринда (12 очко).

Ўйиндан нима кутяпмиз? Бу ўйинда ким ғолиб чиқишини тахмин қилиш қийин бўлса керак. Негаки иккала жамоа ҳам савия ва ўйин жиҳатдан бир-бирига яқин ҳисобланади. Агар бугун "Шўртан" ғалаба қозонса, бу ғузорликларнинг сафардаги илк ғалабаси бўлади. Мабодо майдон эгалари зафар қучса, тўртинчи ғалабани расмийлаштиришади.

Факт: "Сўғдиёна" ўз майдонидаги тўртта ўйиндан учтасини ғалаба билан якунлаган. Жиззахликлар уйда "Олмалиқ", "Обод" ва "Машъал"дан устун келиб, "Нефтчи"га мағлуб бўлишган. 

Биласизми? "Сўғдиёна" уйдаги охирги ўйинида "Машъал"ни 3:0 ҳисобида мағлуб этди. Бугун улар Қашқадарёнинг бошқа бир клуби "Шўртан"ни қабул қилишади.

Факт: "Шўртан" сафарда бешинчи учрашувини ўтказади. Жамоа аввалги тўртта ўйиннинг ҳаммасида мағлуб бўлган. Тўплар нисбати 2-10.

Биласизми? "Шўртан" сафарда умуман очко қўлга киритмаган олий лиганинг ягона жамоаси бўлиб турибди. Тўртта ўйин - тўртта мағлубият.