Бугун Европа лигаси. Финалга қайси жамоалар чиқади?

"Атлетико" - "Арсенал"
Пайшанба, 00:05. Мадрид, "Ванда Метрополитано".
Бош ҳакам – Жанлука Рокки (Италия).

Жамоаларнинг ярим финалдаги илк учрашувида 1:1 ҳисобидаги дуранг қайд этилди. Албатта, бу мадридликлар фойдасига. 10-дақиқадаёқ 10 киши бўлиб қолганига қарамасдан, мадридликлар мағлуб бўлишмади.

Бу мавсумда "Атлетико" ўз майдонида яхши ўйин намойиш этмоқда. "Арсенал" эса сафарда фақатгина мағлуб бўлмоқда. Агарда илк учрашувда "канонирлар" яратган вазиятларидан унумли фойдалана олишганида, жавоб учрашувигача вазиятни ҳал қилган бўларди.

ТАХМИНИЙ ТАРКИБЛАР

ҚИЗИҚАРЛИ ФАКТЛАР

- "Арсенал" бу мавсум Европа лигаси гуруҳ босқичида 4 ғалабага эришган ягона жамоа.

- "Атлетико" Англия жамоаларига қарши 28 учрашув ўтказган:  10 ғалаба, 12 дуранг, 6 мағлубият.

- "Арсенал" эса Испания жамоаларига қарши ўтказган 32 учрашувида 10 ғалаба ва 14 мағлубият қайд этган. Сафардаги баҳсларда натижа шундай: 2 ғалаба, 3 дуранг, 6 мағлубият.

- "Атлетико" Европа лигаси доирасидаги сўнгги 16 уй ўйинларининг 15тасида ғалаба қозонган.

- "Арсенал" еврокубокларнинг баҳорги босқичига кетма кет 19-бора чиқди. Буларнинг барчасида жамоани Арсен Венгер бошқарган.

- Венгернинг УЕФА ярим финаллари сафар учрашувларидаги натижалари: 2 ғалаба, 2 дуранг, 2 мағлубият.

- "Атлетико" еврокубоклар плей-оффида 13 бора илк баҳсда дуранг ўйнаган ва шуларнинг 11тасида кейинги босқичга чиққан.

Европа лигасининг иккинчи ярим финалида "Зальцбург" - "Марсель" жамоалари ўзаро тўқнаш келади. Ушбу жамоаларнинг илк баҳсида францияликлар 2:0 ҳисобида зафар қучганди.