Артета қўрғони: "Арсенал"дан даҳшатли натижа!

Микель Артета шогирдлари Англия лига Кубоги ярим финалида "Челси" устидан қозонилган ғалаба (1:0) орқали мавсумдаги 20-қуруқ ўйинини ўтказишди.

Рақамлар нима дейди?

- Жорий мавсумда "канонирлар" барча мусобақаларда жами 38 та ўйинда майдонга тушишди.

- Ушбу учрашувларнинг роппа-роса 20 тасида рақиблар "Арсенал" дарвозасига йўл топа олишмади.

Микель Артета давридаги энг яхши кўрсаткич бундан икки мавсум аввал қайд этилган бўлиб, ўшанда лондонликлар 23 та ўйинда гол ўтказиб юборишмаган эди. Мавсум ҳали давом этаётганини инобатга олсак, "Арсенал" ўз рекордини янгилаши эҳтимоли жуда юқори.