Буффон: "Биз билан бирга бўлган мухлислардан узр сўрайман"
03 jul 2016 04:08
News

Буффон: "Биз билан бирга бўлган мухлислардан узр сўрайман"

Италия терма жамоаси сардори Жанлуижи Буффон Германияга қарши баҳсдан сўнг ўз фикрларини билдирди.

- Мен аввало мухлисларимиздан узр сўрайман. Улар биз билан доимо бирга бўлишди. Биз яхши ўйнадик, рақибга имконият бермасликка ҳаракат қилдик. Аммо бугун омад биз томонда бўлмади. Италия терма жамоаси манзилига йўлланган мақтовлардан фахр туйғусини ҳис этяпмиз. Европа чемпионатида қилган ишларимиздан фахрлансак арзийди. Уйга қайтаётганимиздан афсусдамиз. Ярим финалга бир қадам қолганди. Германия учта пенальтини аниқ амалга ошира олмади. Бу камдан-кам бўладиган ҳолат. Аммо рақибнинг бу натижаси ҳам сени ғалабанг учун етарли бўлмаслигини бугун гувоҳи бўлдик.

Италия бир жамоа бўлиб бирлашгани бу ғалабаларимизга катта замин яратди. Бирлаша олганимиз энг катта ғалабамиз. Бу эса ёрқин келажакка йўл очади.

Link :

Source : Twitter/Azzurri

Receive latest football news directly on your phone. Subscribe for our Telegram channel!

Rating: +18