Latest news

13:20Кичик Пеледан Марадона Жуниоргача: яшил майдонда омади чопмаган фарзандлар  0 12:55Ҳиндистон терма жамоаси CAFA мусобақасида Малайзия ўрнини эгаллайди  3 12:37Футбол фахрийси Гурам Дараселия вафот этди  2 12:32"Металлург" – сокинлик бағридаги юбилей  2 12:03Расман: "Бунёдкор" легионер ҳужумчи трансферини эълон қилди  2 11:45Муҳаммадали Усмонов: "Андижон" мухлисларининг бундай илиқ кутиб олиши бошқача қувонч ва хурсандчилик бағишлади"  1 11:22"Бу рассомни Ван Гог билан солиштиришга ўхшайди". Гвардиола Месси ва Ямаль ҳақида  4 10:54Санчо учинчи марта "Боруссия"га қайтиши мумкин  0 10:26"Пахтакор" ва "Бунёдкор" собиқ ҳужумчиси фаолиятини "Шўртан"да давом эттириши мумкин  7 09:55Жоау Феликснинг "Ал Насср"даги маоши маълум  1 09:28"Пахтакор" ҳимоячиси фаолиятини "Динамо" ёки "Сўғдиёна"да давом эттириши мумкин  3 09:01Абдуқодир Ҳусанов янги мавсумга тайёргарлик кўриш учун "Манчестер Сити" ихтиёрига қайтди  5 08:34"Сурхон" ва "Андижон" ўзаро футболчи алишишди. Шунингдек, "бургутлар" "шерлар"дан футболчи ижарага олади  2 08:05"Шўртан" яна бир собиқ "Олимпик" футболчиси билан шартнома имзолади  1 07:39Ўзбекистон МТЖ аъзоси "Пахтакор" билан шартнома имзолади  9

Британиялик офицер - Дэвид Бекхэм ҳақида News

Британиялик офицер - Дэвид Бекхэм ҳақида

Бугун Англия футболининг афсоналаридан бири Дэвид Бекхэм ҳамда маълумотлар бериб ўтамиз.

Дэвид Бекхэм (ингл. David Robert Joseph Beckham. 1975 йилнинг 2 май кунида Англиянинг Лондон шаҳрида туғилган. Ярим ҳимоячи. Фаолияти давомида «Манчестер Юнайтед», «Престон Норт Энд», «Реал Мадрид», «Милан», «Лос-Анжелес Гэлакси» ва «Пари Сен-Жермен» каби жамоаларда ўйнаган. Англия терма жамоаси шарафини кўп йиллар давомида ҳимоя қилган. Унинг ўйинларини томоша қилганлар жарима тўпларини қай тарзда қойилмақом амалга оширишидан хабардорлар. 2011 йилда у дунёнинг энг кўп даромад топадиган футболчиси ҳисобланарди.

Бекхэмнинг футболчилик фаолияти 1992 йилда (17 ёшлигида) "Манчестер Юнайтед" сафида дебют қилиш орқали бошланган. Дэвид МЮ билан АПЛда 6 марта чемпионликка эришган. 2 марта Англия Кубоги, шунингдек Чемпионлар Лигасида ҳам совриндор бўлган.

2003 йилда эса Мадриднинг "Реал" жамоасига кўчиб ўтади ва 4 йил давомида "қироллик клуби" шарафини ҳимоя қилади. Жамоа билан Испания чемпионлигини қўлга киритади. 2007 йилда эса МЛСнинг "Лос Анделес Гэлакси" жамоаси сафига бориб қўшилади ва клуб билан 32,5 миллион доллар эвазига 5 йиллик шартнома имзолайди. Бу орада у 2009-2010 йиллар давомида "Милан"да ижара асосида ҳам ўйнаган. 2013 йилда эса ПСЖ шарафини ҳимоя қилган ва фаолиятини якунлаган.

Қаҳрамонимиз икки марта ФИФАнинг йил футболчиси номинациясида иккинчи ўринни эгаллаган. У ЕЧЛда илк марта 100та ўйин ўтказган британиялик футболчига айланган. 2000 йилдан 2006 йилгача Англия терма жамоаси сардори бўлган. Сардор сифатида 58 марта жамоасини майдонга олиб тушган. Шунингдек, Google'да 2003 йил ва 2004 йилларда спорт йўналишида айнан Бекхэм энг кўп қидирилган сўз бўлган.

Дэвид "Spice Girls" гуруҳи қўшиқчиси Виктория Бекхэмга уйланган ва айни пайтда ушбу жуфтлик уч нафар фарзанднинг ота-онаси.





Болалиги

Дэвид болалигиданоқ Чингфорддаги «Рижуэй Парк»да мунтазам футбол ўйнарди. Унинг ота онаси "Манчестер Юнайтед" мухлислари эдилар ва доимий равишда Лондондан "Олд Траффорд"га ташриф буюрардилар. Ота онанинг клубга бўлган муҳаббати қаҳрамонимизга ҳам ўтади ва у Бобби Чарлтоннинг Манчестердаги футбол мактабига ташриф буюради.

Дэвид 14 ёшлигида "Манчестер Юнайтед" футбол академияси билан шартнома имзолаган.

Терма жамоа сафида илк марта 1996 йилнинг 1 сентябрида Молдавияга қарши ўйинда майдонга тушган.


Муваффақиятлари

"Манчестер Юнайтед"

Англия Премьер-Лигаси чемпиони: 1995/1996, 1996/1997, 1998/1999, 1999/2000, 2000/2001, 2002/2003
Англия Кубоги соҳиби: 1996, 1999
Чемпионлар Лигаси соҳиби: 1999
Қитъалараро Кубок соҳиби: 1999
Англия Суперкубоги соҳиби: 1996, 1997.


"Реал"

Испания чемпиони: 2006/2007
Испания Суперкубоги соҳиби: 2003



Стандарт вазиятлар қироли "Реал" сафида навбатдаги жарима зарбасини голга айлантирмоқда


"Лос-Анжелес Гэлакси"

MLS Кубоги соҳиби (2): 2011, 2012
Supporters' Shield MLS (2): 2010, 2011
MLS ғарбий чемпионати ғолиби: 2009, 2010, 2011
MLS Кубоги финалчиси: 2009


"Милан"

Италия чемпионати бронза медали соҳиби: (2): 2008/09, 2009/10


"Пари Сен-Жермен"

Франция чемпиони: 2012/13




Англия терма жамоаси сафида 115 та ўйинда майдонга тушиб, рақиблар дарвозасини 17 марта аниқ нишонга олган.


Маҳсус орден ва совринлари

Британия империяси офицери ордени: 2003йилдан бери
ЮНИСЕФ элчиси: 2005 йилдан бери
Британиялик 100 нафар буюк инсон рўйҳатига кирган


Азиз Тўхтамуродов тайёрлади

Rating: +28   

Comments

championat.asia
< show latest news
Яндекс.Метрика