Бразилиялик вундеркинднинг сотилиш нархи 25 млн евро — "Фламенго"
31 jan 2023 17:33
News

Бразилиялик вундеркинднинг сотилиш нархи 25 млн евро — "Фламенго"

Бразилиянинг "Фламенго" клуби Матеус Франка учун энг камида 25 млн евролик таклифларни кўриб чиқади.

Жанубий Американинг энг иқтидорли ёш ўйинчиларидан бири дея эътироф этилаётган Франка январь ойида бошқа клубга қўйиб юборилиши учун 25 млн евродан кам бўлмаган таклиф қабул қилинади. Вингер учун "Ньюкасл" асосий даъвогар ҳисобланиб, яқиндагина "ҳаккалар" томонидан юборилган 20 млн евролик таклиф рад жавобини олган эди. Бугун кун охирида трансферлар ойнаси ёпилишини инобатга олган ҳолда АПЛ вакили яхшиланган таклиф билан яна ўйинчини қўлга киритишга уриниб кўриши кутилмоқда.

"Фламенго" декабрь ойида Франка учун "Байер" Леверкузендан 14 млн евролик таклиф олганди.

Ҳозирги жамоасида бир йил аввал фаолиятидаги дебют ўйинини ўтказган 18 ёшли Франка жорий мавсум ортда қолган 29 ўйиндан кейин ҳисобига 7 та гол ёздириб қўйди. Бразилиялик футболчи аллақачон мамлакат кубоги ва Либертадорес бош совринини қўлга киритишга улгурган.

Link :

Source : Globo Esporte

Receive latest football news directly on your phone. Subscribe for our Telegram channel!

Rating: +5