"Биз 4:1 ҳисобида ғалаба қозондик. Танқидчиларга жавоб беришни истамайман" - Воҳид Шамсаи кўп муҳокамаларга сабаб бўлаётган Франция - Эрон учрашуви ҳақида фикр билдирди

"F" гуруҳи учинчи турида Франция ва Эрон терма жамоалари очиқчасига ғалаба қозонишни истамасдан ўйнашгандек кўринди. Учрашувнинг видеотакрорларида Эрон терма жамоасининг ўзи "истамай" қилаётган ҳужумини Франция футболчилари очиқчасига ўтказиб юборгани кўринган. Бу ўйинда ғалаба қозонган жамоа Бразилия билан тўқнаш келарди, шу сабабли, икки жамоа ҳам ғалаба қозонишни "исташмади". Ушбу "шубҳали" баҳс омма томонидан кўп муҳокама қилинди ва кўпчилик икки терма жамоанинг ҳам қаттиқ танқид қилди. Аввалроқ, Ливия футзал терма жамоаси бош мураббийи Рикардо Инигез икки жамоани "келишилган" ўйин ўтказишганида айблаганди.

Эрон терма жамоаси бош мураббийи Воҳид Шамсаи кўп муҳокамаларга сабаб бўлаётган ушбу ҳақида фикр билдирди.

"Биз 4:1 ҳисобида ғалаба қозондик. Яна нима қилишимиз керак эди? Бизни танқид қилаётганларга жавоб беришга мажбур эмасман. Бу менинг вазифам эмас. Биз гуруҳ босқичини 9 очко, яъни 100% фоизлик натижа билан якунладик. Франция қарши ўйиндан олдин бизда нечта йўқотишлар борлигини айтиб ўтгандим, шунга қарамай биз ўйинни назорат қилдик. Иккинчи бўлимда эса ўз даражамизни намойиш этдик ва ғалаба қозондик" - дейди Воҳид Шамсаи.

Абдулвосит Бектемиров суҳбатлашди